Skip to main content

Nunanut allanut tunngasunut illersornissamullu politikkikkut periusissiaq Aajap nersualaaraa

Issittumi nunat akornanni inuussutissarsiutit siuarsarnissaanut suliniutit nersualaarneqarput.

Issittumi nunat avannarliini inuusuttut akornanni aallarnisaaniartunut unammisitsineq, issittumilu nunani suliffeqarfinnut tapersersuineq. Siornatigut oqaluttuareriikkatsitut taakkuupput Issittumi Siunnersuisoqatigiit nunat tamalaallu akornanni suliaqartut suliniutissaat.

Danskit naalakkersuisuisa nunanut allanut illersornissaqarnermullu politikkikkut iliuusissaanni 2019-mut 2020-mullu iliuusissaanni tamanna atuarneqarsinnaavoq.

Suliniutillu taakku ajunngilluinnartuupput, IA sinnerlugu folketingimi ilaasortaq, Aaja Chemnitz Larsen isumaqarpoq.

- Danskit naalakkersuisuisa iliuusissaanni nutaami inuusuttut aallunneqarput, aamma nutaaliorneq aningaasaqarnerullu Issittumi ineriartornissaa aallunneqarlutik. Taakkuupput uanga nammineerlunga suliniutigisimasakka suliniutissatullu pilersaarutikka, aningaasanut inatsimmi aamma upernaamut 2019-mut, taamaammaat nuannaarpunga, nunanut allanut ministeri Anders Samuelsen (LA) naapereernerata kingorna tusagassiutinut nalunaarummini allappoq.

Isorinnissutilli aamma

Nunanut allanut ministerip naapinnerani nersualaarinerinnaanngilaq. Aaja Chemnitz Larsenip tusartippaa Kalaallit Nunaat nunanut allanut illersornissamullu politikkimik amigaateqartoq, tamannalu Danmarkimut aamma pingaaruteqartuusoq, naalagaaffik Kalaallit Nunaanni nunanut allanut illersornissamullu politikkeqarnissamik akisussaaffeqarmat, taamaammat Folketingi akuutinneqarnerusariaqarluni.

LÆS OGSÅ: Dansk regering vil samle iværksættere på tværs af Arktis

- Danmarkip Kalaallit Nunaatalu oqaluttuarisaanerani ajuusaarnaraluartumik qileroqarpoq, Kalaallit Nunaannut pingaaruteqartunut aalajangiinernut Kalaallit Nunaat siuliani peqataatinneqartarsimanngimmat. Danmarkimut atanerput ajornerulissanngippat naalagaaffiup kalaallit folketingimut ilaasortaatitaasa peqataatitsinerulernissaat sulissutigisariaqarpaa. Pingaartumik maannakkut USA-p Kinallu Kalaallit Nunaanni ineriartornermi peqataaniarsarinerisa nalaanni. Kalaallit Nunaat sinnerlugu folketingimi ilaasortaatitatut naatsorsuutigaara folketingimi sulinermi peqataatinneqarnerulernissara – allatut iliorneq naammaginanngimmat, Aaja Chemnitz Larsen nalunaarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER