Skip to main content

Nunanut allanut ministerip Savalmmiormiut ineriartortinniakkanut ikiorsiisarnerat akuerisussaavaa

Savalimmiormiut ukiuni aqqaneq-marlunni inunnik ikiuisarsimapput, Savalimmiormiulli ikiorsiissutiminnik sumut nassiussisarnerat pillugu Danmark ukiuni kingullerni akuliuttarsimavoq

Savaæimmiormiut ineriartortitassanut ikiorsiiniaraangata aamma inunnik ikiuillutik suliaqarniaraangata, Savalimmiuni naalakkersuisut Danmarkimi nunanut ministeeriaqarfimik oqaloqateqartassapput. Nunat allanut ikiorsiineq nunanut allanut tunngatillugu politikkiusinnaavoq, Danmarkip Savlimmiuunngitsup isumagisassaa.

Tamanna ineriartortitsinermi suleqatigiinneq pillugu ministerip Rasmus Prehnip (S), folketingimi ilaasortamut Sjúrður Skaalemut Javnaðarflokurinimeersumut Folketingimi akissuteqaataani takuneqarsinnaavoq.

Rasmus Prehn akissuteqaammini oqarpoq, nunat tamalaat ineriartortitsinermi suleqatigiinnerat pillugu inatsit nunanut allanut politikkeqarnermut attuumassuteqartoq.

Savalimmiormiut nuussisarneq pillugu inatsit 2005-imeersoq naapertorlugu nunanu allanut, isumannaallisaanermut illersornissamullu politikki tigusinnaanngilaat.

- Naalakkersuisut tamanna tunngavigalugu Savalimmiuni naalakkersuisut, suliassaqarfinnut angerlaanneqarsimasunut tunngatillugu Savalimmiormiut ineriartortinniakkanut ikiorsiisarnerat pillugu oqaloqatigivaat, ilisimatitsissutigivaat Savalimmiormiut ineriartortinniakkanut ikiorsiisarnerat Danmarkimut Kalaallilluunniit Nunaannut attuumassuteqarani Savalimmiunut taamaallaat attuumassuteqartoq, kiisalu suliniutinu aalajangersimasunut ikiorsiisarneq naalagaaffiup nunanut allanut politikkianut naapertuuttussaasoq, taamaammallu ikiorsiisoqartinnagu Nunanut allanut Ministeeriaqarfik oqaloqatigineqassasoq, Rasmus Prehn oqarpoq.

Killilersugaangaluttuinnarneq

Folketingimi ilaasortap Sjúrður Skaalep, Javnaðarflokurin, tupigusuutigaa Savalimmiut ineriartortinniakkanut ikiorsiinissaq aamma inunnik ikiuilluni suliaqarnissaq pillugit namminerisaminik isumaqatigiissusiornissamut killilersugaanerat, taamalu FN-ip nunarsuarmi piujuaannartitsinissaq tunngavigalugu ineriartortitsinissamut anguniagaanik piviusunngortitsiniarluni suliaqarsinnaatitaannginnera.

Savalimmiormiut 2007-imili inunnik ikiuisarsimapput, tamannalu ingerlattarlugu nunat tamalaat ineriartortitsinermik suliaqarnissaat pillugu inatsit naapertorlugu.

Danskit naalakkersuisuisa aamma akuersissutigisimavaat, Savalimmiut FN-imi FAO-mu aamma UNESCO-mut ilaasortanngorsinnaasut.

Savalimmiormiulli ukiuni kingullerni akuleruffigineqariartuinnarsimapput.

- 2019-imi apriilip 24-ani Lagtingimut nassuiaanermini Savalimmkiuni nunanut allanut ministeriusimasoq Poul Michelsen oqarpoq, Svalimmiormiut nunanit tamalaani suliniaqatigiiffinnut isumaqatigiissusiorsinnaanerat Nunanut allanut Ministeeriaqarfimmit killilersorneqaraluttuinnartoq,tamanna nunanut allanut tunngatillugu plitikkernertut Danmarkimit isigineqannguatsiarmat, Sjúrður Skaale oqarpoq.

Pisariaqanngitsumik ajorsitsaarineq

Sjúrður Skaale isumaqarpoq, Savalimmiut ukiorpassuarni nammineq aquttarsimasaanut Danmarkip maanna akulerunnera, Danmarkip Savalimmiullu akornanni pisariaqanngitsumik ajorsitsaarinerusoq.

- Naapertuuttuunera takusinnaanngilara. Sumut iluaqutaasinnaanera takusinnaanngilara. Ineriartortinniakkanut ikiorsiissutigisartakkavut annikitsuaraapput. Imaassinnaavoq ataqqineqanngitsugut, pisariaqartitsisutulli isigisatsinnut aningaasatigut ikiorseeqqusaannginnerput tupinnarluinnarppoq, Sjúrður Skaale oqarpoq.

Nunarsuarmi maanna pissanganartorsiortoqarpoq annertuumik, imaassinnaavoq naalagaaffiup sunik takutitsinissaa Danmarkip aqukkusukkaa. Sjúrður Skaale isumaqarpoq, pisumi matumani Danmark malinnaanngitsoq.

- Isumaqarpunga Savalimmiut naalagaaffiup nunanut allanut politikkianut akerliusumik ineriartortinniakkanut ikiorsiinavianngitsoq. Tamanna takorlooruminaatsippara, Sjúrður Skaale oqarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER