Skip to main content

Nunanit avannarlerneersuneersut nipilersortartut tusarnaartitseqatigiilersut

Kalaallit, Savalimmiormiut Islandermiullu taallat 1800-jukkunneersut atussavaat

Nipilersortartut Kalaallit Nunaannit, Islandimit Savalimmiuneersullu ataatsimut tusarnaartitseqatigiissapput kulturikkut illorsuarmi Katuami. Suleqatigiinnerat NUMA-mik ateqartinneqarpoq. Hans Lyngep inersuaani nalunaaqutaq 19.00 tusarnaartitsissapput. 

Nunanit avannarlerneersut suleqatigiittarnerat nutaajunngilaq, tassami islandermiu Sigurdur Breidfjôrô nunatsinniippoq 1831-mit 1834-p tungaanut, tassni kalaallit qattaliornissamik ilinniartippai. Nunatsinniinnermini taalliortarpoq. Islandimut uterami taalliani saqqummersippai, tassani Nunatsinniinnermini misigisani aamma ilaatillugit. Taalliai Numamik ateqartinneqarpoq. Taannalu pillugu Katuami tusarnaartitsisoqassaaq tallimanngornermi nalunaaqutaq 20.00-imit. 

Isladimeersut, Savalimmiuninngaanneersut Kalaallit Nunaanneersullu tassani appisimaaqatigiissapput. Kalaallini peqataassapput nipilersortartut Randi Broberg, Georg Olsen, Nikku Olsen kiisalu Miki Jacobsen. KNR-imit Qupannavaaneersut arfineq pingasut aamma peqataassapput. 

Sungiusarnerit
- Nunarsuatsinni nipilersoriaatsit assigiinngitsut amerlasoorujussuupput. Nipilersuutit alutornartut ilagaat ujaqqamik sanaaq marimba. Nipilersuutilli ulluinnarni ilisimaneqartut aamma atorneqassapput, soorlu guitari, tumerparpaat bassilu, Randi Broberg Sermitsiaq.AG-imut oqarpoq. 

Nipilersortartut Islandimeersut Savalimmiuneersullu tusarnaartitsiartortut sapaatip akunnerani uani Nuummut tikipput. 

- Nalinginnaanngitsunik nipilersuutilerluni tusarnaartitsineq uagutsinnut allanartuunngilaq. Liima Inuimimi misilittagaqarfigereerparput. Nipilersoqataasussat ataatsimut anersaaqatigalugit tusarnaartitsissaagut, Randi Broberg oqaluttuarpoq. 

Nipilersortartut tusarnaartitsereerunik nunaminnut angerlaqqissapput. Islandimi Savalimmiunilu tusarnaartitsisoqarnissaa sulissutigineqartoq Randi Broberg oqarpoq. 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER