Nunanit allaneersunik sulisussarsiorneq: Sulisunik pilertortumik tikisitsisinnaanermik aaqqissuussineq suli ajorpoq

Sulisussanik amigaateqarneq sulikalaallit suliffeqarfiutaannut annertuumikunammillernartoqartitsivoq. Permagreenip pisortaataJeppe Steffensenip nunanit allaneersunik sulisussanikpilertortumik tikisitsisinnaanermik aaqqissuussineqatuutilersinneqaqqammersoq isornartorsiorpaa,neriorsuutigineqareersutut pitsaatiginngimmat.

– Uannut assut tupannarpoq fast-track-imut aaqqissuussinermi nutaami namminersorlutikoqartussat neriorsuutigisimasaannik eqqortitsinngimmat aamma aallaqqaataanilinalunaarutigisaannut, Permagreenip pisortaanera Jeppe Steffensen oqarpoq.

Kalaallit Nunaanni suliffeqarfik entreprenøri angisooq Permagreen 320-t missaannik sulisoqarpoq. Suliffeqarfik sanaassanik amerlasuunik suliassaqarpoq kisianni sulisussaminik massakkorpiaq amigaateqarpoq. Kalaallit Nunaata killeqarfiata iluani taakkua pissarsiarineqarsinnaanngillat. Taamaattumik nunanit allamiunik sulisussarsiortariaqarput, kisianni suli tamanna suli sivisusinnaavoq, taakkua sulilernissaanut Danmarkimi suliassanik suliarinninnermut piffissaq atorneqartoq sivisuallaaqimmat.

Sulisussanik amigaateqartoqarpoq

– Maannakkorpiaq sulisussanik 15-inik amigaateqarpugut taakkua nunanit allanit pissarsiarerusukkaluarpugut. Ukiortaap kingornatigut suli amerlanerusunik pisariaqartitsivugut. Amigaatigisavut tassaapput qarmaasut aamma qalipaasut. Uagutsinnut pingaaruteqartorujussuuvoq nunanit allaniit sulisussarsisinnaanerput pilertortumik sulisinnaasunik tassami sullitatsinnut pisussaaffigut aamma suliassanik isumaqatigiissutigut eqqortittariaqaratsigit.

- Taamaattumik uannut tupannarpoq sulisussanik pilertortumik tikisitsisinnaanermut aaqqissuussineq nutaaq Namminersorlutik Oqartussat neriorsuutigisaannik aamma siullermik nalunaarutigisaannik eqqortitsinngilluinnarmat, Permagreenip pisortaanera Jeppe Steffensen Sermitsiamut oqarpoq.

Sulisitsisut namminersortut privatit aamma oqartussaasut suliffeqarfiutaat qanoq oqalunnersut tusaaniaraanni taava qularnanngilluinnarpoq, Kalaallit Nunaanni sumiiffinni amerlanerni sulisussanik amigaateqartoqarpoq. Minnerunngitsumik Nuummi aamma illoqarfinni anginerusuni. Sanaartornermik suliaqarfimmi assassorlutik sulisartut assigiinngitsut tamarmik amigaataapput, igasut, eqqiaasut ilaalu ilanngullugit hotelinut aamma cafeenut, ilinniartitsisut aamma pædagogit atuartitsinermik ingerlatsivinnut aammattaaq peqqinnissaqarfimmut nakorsat aamma peqqissaanermik ilinniarsimasut.

Nunanit allaneersunik sulisussanik pilertortumik tikisitsisinnaanermik aaqqissuussaq pillugu ajornartorsiut tamaat Sermitsiami sapaatip akunnerani matumani saqqummersumi atuarsinnaavat, ugguuna iserfigiuk:

Powered by Labrador CMS