Skip to main content

Nunanit allamiut nunaatinik pisiortornerat Islandip qatsukkaa

Nunanit allaneersut nunaatinik pisiortortut amerliartornerat Islandimi politikerit ernummatigaat. Ukiaru politikkikkut qanoq iliortoqarnissaa naatsorsuutigineqarpoq.

Nutaarsiassaqartitsivik RÙV naapertorlugu Islandimi suliffeqarfiit nunaatit pingajorarterutaannik piginnittuupput, ilisimaneqanngilarli suliffeqarfiit nunanit allamiunit aningaasalersorneqarnersut. Taama naatsorsueriaaseq atorneqanngilaq.

Islandip ministeriunera Katrín Jakobsdóttir, nutaarsiassaqartitsivik mbl.is naapertorlugu oqarpoq, Island Europami Aningaasaqarnikkut Suleqatigiinnermi peqataagaluartoq, nunanit allamiut nunaatinik pisiortornerat killilerneqarsinnaasoq.

Taama oqarnermini nunat avannarliit immikkut ittunik maleruagassaliorsimaneri innersuussutigai. Assersuutigalugu Danmarkimi nunanit allaneersut illunik aasarsiortarfinnik pisisinnaanngillat, immikkut maleruaqqusaq taanna Danmark EF-mut ilanngummalli sananeqarpoq.

Namminersortuuneq

- Eqqumaffigilluinnartariaqaraluarparpullu nuna pisuussutillu pigisagut Islandimi inuit namminersortuunerannut attuumassuteqarnerat, Katrín Jakobsdóttir oqarpoq.

Amerikamiut illumik inuulluarniutaasumik Deplar Farm-imik, Skagafjörður, piginnittut Svarfaðardalur-imi nunaminertamik pisisimanerisa kingorna, politikkikkut qanoq iliortoqarnissaa sulissutiginiarneqalerpoq. Suliffeqarfillu tulummit pisoorsuarmit James Ratcliffemit pigineqartoq Islandip Avannaata-Kangiani nunaminertamik pisisimavoq, sumiiffik eqaloqarfissuaq aamma pigereerpaa. Tusatsiakkat naapertorlugit nunanit allamiu qeqertamik Vigur-imik aamma pisinialersaarpoq.

Ineriartorneq akuerisassaanngitsoq

- Ineriartorneq akuerineqarsinnaanngilaq, kommunet angallannerlu pillugit ministeri Sigurður Ingi Jóhannson Morgunblaðið-imut oqarpoq.

Nunanik pigisanik pisinermi pisisut sumiiffimmi najugaqarnermut uppernarsaateqartarnissaannik piumasaqaateqartalernissaq, politikerit sulissuteqarnissaminni eqqarsaatersuutigaat.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER