takornarialerineq

Nunani avannarlernni killerni takornarialerisunut nersuisoqartalissaaq

Takornarialerisunut nersornaat Vestnorden Travel Awardimik taaguuteqassaaq. Kalaallit Nunaanni, Islandimi Savalimmiunilu takornarialerisunut nersornaat tunniunneqartassaaq

ima isikkoqassaaq Vestnorden Travel Award

Takornarialerinermut nittarsaassinermi Vestnorden Travel Mart-imik taaguutilimmi Savalimmiuni septembarimi pisussami nutaarsiassaqarpoq. Takornarialerisunut nersornaasiisoqartalernissaa nalunaarutigineqarpoq.

Nersuineq
Torshavnimi nittarsaassinermi nersornaat Vestnorden Travel Award tunniunneqassaaq. Takornarialerinermut ingerlatsisut Ólöf Ýrr Atladóttir, Island, Anders Stenbakken, Kalaallit Nunaat aamma Guðrið Højgaard, Savalimmiut, Carsten Elsted peqatigalugu nersornaammik tunniussissapput.

- Nunani avannarlernni killerni takornarialerisunik nersuisalernissaq piffissanngorpoq. Takornarialerinermut tunngasunik nittarsaassinermi nersornaatip tunniunneqarnissaa tulluartuuvoq, nalunaaruteqarput.

Nersornaasigassanik kikkulluunniit innersuussisinnaapput. Inuk ataasiusinnaavoq, suliffeqarfiusinnaavoq arlaatigulluunniit takornarialerinermik suliaqartuusinnaavoq. Patajaatsumik takornarialerisumik innersuussinissaq taamaallaat piumasaqaataavoq.

Aalajangiisut
Pisortaasut taakkartorneqartut saniatigut Carsten Elsted naliliisussaapput kikkut nersornaaserneqassanersoq. Kisianni nunaminni takornarialerisumik nersuineq aalajangiiffigisinnaanavianngilaat.

Powered by Labrador CMS