Skip to main content

Nunani avannarlerni siunnersuisoqatigiit kalaallit meerartaat ikiorniarpaat

Nunani avannarlerni siunnersuisoqatigiit atugarissaarnermut ataatsimiititaliaa kalaallit meerartaannut atornerluinermut aamma imminut toquttarnermut akiuinermut suliniuteqarnermut ikiuunnissaminut piareersimavoq.

Meeqqat eqqorneqaratarsinnaasut pillugit ikiorserneqarnissamik qinnuiginnissut piffissaq sivisunngitsoq qaangiuppat Naalakkersuisut Danmarkimut nassiutissavaat.

Maanna allamit ikiunissamik neqerooruteqartoqarpoq, tassa Nunani Avannarlerni Siunnersuisoqatigiinnit.

- Kalaallit Nunaata inuusuttai Nunat Avannarliit inuusuttarai. Taamaattumik Nunat Avannarliit tamakkerlutik, Kalaallit Nunaanni inuusuttut imminut toqunnissamik eqqarsartut ikinnerulernissaannik ikiuunnissaat, Nunani Avannarlerni Siunnersuisoqatigiit kissaatigaat, Bente Stein Mathisen, tusagassiuutinut nalunaarummi oqarpoq.

Atugarissaarnermut ataatsimiititaliap Ålandip qeqertaanni ataatsimiinnermini Kalaallit Nunaanni innuttaasunik misissuineq kingulleq oqaluuseraat, imigassamik ajornartorsiorneq, angerlarsimaffimmi nakuusernermik aamma kinguaassiutitigut atornerluinernik annertuumik imminut toqunnissamik eqqarsaatinik annertusititsisunik annertuumik peqartoq takutitsisoq. Ataatsimiititaliaq aamma piviusulersaarusiamut ’Byen hvor børn’ forsvinder’-imut innersuussivoq.

Sverigemi iluatsittumik iliuuseqarneq

Atugarissaanermut ataatsimiititaliap Danmarkimit ikiuineq Nunani Avannarlerni allani imminut toquttarnermut iliuuseqarnernut iluatsittunit paasissutissanik tapiissuteqarniarpoq.

- Kalaallit unammilligassaannut aaqqiissuteqaqataanissamut ataatsimiititaliaq kissaateqarpoq, nunani avannarlnerni ilisimasanik avitseqateqarnikkut Kalaallit Nunaata iluaqutigisinnaasaanik, tusagassiuutinut nalunaarummi tamanna oqaatigineqarpoq.

- Assersuutigalugu ataatsimiititaliami ilaasortap Tony Wikströmip Ålandimeersut Sverigimi suliniut YAM tikkuarpaa, taassuma inuusuttut akornanni imminut toquttarnerit malunnaatilimmik appariartippai. Suliniut maanna Finlandimi aallartinneqartoq, Ålandimilu aamma taanna isumaliutersuutigineqarpoq.

- Tamatuma saniatigut Nunani Avannarlerni Siunnersuisoqatigiit danskit naalakkersuisuinut saaffiginninniarlutik kissaateqarput, pissutsit ilungersunartut taakku qanoq iliuuseqarfigineqarnissaat pillugit Namminersorlutik Oqartussanut apeqquteqarniarlutik.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER