Skip to main content

Nunani Avannarlerni Siunnersuisoqatigiit kalaallit juullimi oqaluttualiaat nersornaaserneqarnissamut innersuuppaat

Atuakkiortup Juaaka Lyberthip ilusilersuisartullu Maja-Lisa Kehletip, Nunani Avannarlerni Siunnersuisoqatigiit meeqqanut inuusuttunullu atuakkiortunut 2020-mi nersornaasiussassaannik nersornaaserneqarnissaat innersuussutigisimavaat.

Assiliartalersorlugu atuakkiaq ”Orpilissat nunarsuarmi kusanarnersaat” (”Det smukkeste juletræ i verden”), tassaavoq Nunani Avannarlerni meeqqanut inuusuttunullu atuakkiat pitsaanersaattut nersornaaserneqartussatut innersuunneqarsimasut, nersornaasiinermi kalaallit peqataatitassaat.

Nersornaasigassatut 14-it innersuunneqarsimapput, Nunani Avannarlerni Siunnersuisoqatigiit oktoberip 27-ani Reykjavikimi ataatsimiilerpata nersornaasiisoqassaaq.

Atuagaq ilaqutariinnut tamanut juullimi oqaluttualiaq pissanganartoq saaffiginnittuuvoq, Nunani Avannarlerni Siunnersuisoqatigiit assiliartalersorlugu atuakkiaq, 2019-imi Milik Publishingimit saqqummersinneqarsimasoq pillugu oqaaseqarput.

- Juullimi oqaluttuarineqartartut allat assigalugit juullinngitsoonissaa ernummatigineqarpoq. Oqaluttuaq Kalaallit Nunaanni Uuummannami pisimatinneqarpoq. Niuertorutsip Hammekenip piaaraluni illoqarfimmi orpiliassanik inniminniisimannginnera inuit isumatsaatigalugulu aliasuutigaat. Nukappiaraq Kunuk juulli annaanniarlugu nissiaraq Lillepot ikiortigalugu iliuuseqarusuppoq. Kunuk ilaqutariinni kisiartaalluni nissimaanik juullillu inuanik upperisaqartoq, taakku ilumoortuunerannik ilaquttaminik qularunnaartitsiniaagaluarpoq. Aammali ersinartunik torulleqarpoq, juullimik nuannarisaqanngivissunik. Juulli pinngitsoortinniarlugu qanorluunniit iliuuseqarsinnaapput, niissiararlu pisuussuteqanngitsoq, nissiaqqanik eqqaamiuminnik aallissamaartoq pinngitsaalillugu aallaruppaat, assiliartalersorlugu atuakkiaq ilisaritinneqarmat taamatut oqartoqarpoq.

Ilisimalluarneqalersussaq nutaaq

Nunani Avannarlerni Siunnersuisoqatigiit allapput, Maja-Lisa Kehlet Kalaallit Nunaanni eqqumiitsuliortartut akornanni ilisimalluarneqalersussat ilagilluinnarpaat.

- Atuakkamut assiliartaliussai kusanarlutillu uummaarissuupput. Oqaluttuap assiliartaasalu, Orpilissat nunarsuarmi kusanarnersaat, juullimi tunissutisinissaq atuinissarlu pingaarnerutinnagit kusanartumik atuagassianngortiinnanngilaat, aammali juullip nuannersuanik takutitsisuulluni, nersornaaserneqartussatut innersuussisimaneq pllugu tusagassiortunut nalunaarummi allassimavoq.

Juaaka Lyberthip 2012-imi atuakkiareqqaarpaa, oqaluttuaq Naleqqusseruttortut (Godt i vej, Milik Publishing 2014, nutserisoq Lars Wind). Atuagaq 2014-imi Nunani Avannarlerni Siunnersuisoqatigiit atuakkiortunut nersornaassiuttagaannut 2014-imi innersuunneqarsimasoq.

Nersornaatisisoq inuusaliannguamik Nordlysimik aamma 350.000 koruuninik pissarsitinneqartarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER