Skip to main content

Nunani Avannarlerni Killerni illoqarfiit pingaarnersaat aningaasanik agguaapput

Nunani Avannarlerni Killerni Illoqarfiit Pingaarnersaasa, tassap Nuup, Reykjavikip Tórshavnillu, Aningaasaateqarfiat, 300.000 koruuninik agguaasseqqammerpoq 

Nunani Avannarlerni Killerni Illoqarfiit Pingaarnersaasa Aningaasaarteqarfiat, Nuup, Reykjavikip Tórshavnillu, siunertanut pitsaasunut aningaasanik agguaasseqqammerpoq. Aningaasaaeqarfiup aningaasaatai, ukiumoortumik Reykjavik Kommunemit, Tórshavn Kommunemit aamma Kommuneqarfik Sermersuumit aningaasalerneqartartut, suliniutinut sammisanullu, Reykjavikimi, Tórshavnimi Nuummilu innuttaasut politikerillu paaseqatigiinnerisa suleqatigiinnerisalu nukittorsarnissaanik siunertalinnut, agguaanneqartarput.

Siulersuisut tallimanngornermi maajip 24-anni 2013 Nuummi ataatsimiinnerminni aningaasaateqarfimmut qinnuteqaatit suliaraat, makkununngalu tapiissuteqarniarlutik aalajangiipput:

• Tórshavn Kamarkor: Reykjavikimut tusarnaartitsiartornissaannut, Harpuni-mi erinarsoqatigiit Hljomeyki peqatigalugit. Hallgrimskirken-imi tusarnaartitsissapput. Erinarsoqatigiinnut erinarugassiaq tusarnaartitsinissamut sananeqarsimavoq, siunertaavorlu islandimi erinarsoqatigiinnut attaveqalernissaq misilittakkanillu avitseqatigiittalernissaq.
Aningaasaliissutigineqarput 30.000 koruunit.

• Frigg Festival v/Hans Petur, Brekkunum-imi. Frigg Festivalimi siunertaavoq Københavnimi Grønlandsk Handelsplads-imi ukiumoortumik pisartussamik nipilersornermik kulturfestivalertalernissaq, eqqumiitsuliortut Savalimmiuneersut, Nunatsinneersut, Islandimeersut Danmarkimeersullu peqataaffigisaannik.
Aningaasaliissutigineqarput 60.000 koruunit.

• Havnarkoret v/Jannie Bjørgvin. Siunertaavoq Reykjavikimut tusarnaartitsiartornissaq tusarnaartitsissutigalugu Handel-ip sanaava "Messias".
Aningaasaliissutigineqarput 20.000 koruunit.

• Edvard Nyholm Debess. Siunertaavoq Sigurdur Flosason saxofon-ertoralugu marloriarluni Reykjavikimi tusarnaartitsinissaq, aammalu Jim Milne noqartilissortoralugu, suppugiartoralugu il.il. martloriarluni Nuummi workshop-eqaatigaluni tusarnaartitsinissaq.
Aningaasaliissutigineqarput 10.000 koruunit.

• Aqqaluk Petersen. Siunertaavoq ICE-SAR Iceland pillugu BA-mut suliassamut paasiassarsiorneq, tassani pulaarneqassalluni ICE-.SAR Iceland, Islandimi pinaveersaartitsinermik, ataqatigiissaarinermik annaassiniarnermillu suliaqartoq. Pulaarnikkut takutinneqassaaq ingerlatsineq taamaattoq Kalaallit Nunaanni atorneqarsinnaanersoq imaluunniit misigisassarsiorfigalugu. Pulaarneq ajunaarnersuit ulorianartorsiutaaasinnaasullu pillugit BA-mik suliamik kinguneqassaaq.
Aningaasaliissutigineqarput 5.000 koruunit.

• Nuuk Svømmeklub. Siunertaavoq sungiusarluni unammiuaarnernullu angalanissat. Nuummit Tórshavnimillu naluttartunik ukioqatigiinnik naligiissunillu unammiuaartitsisoqassaaq. Angalanikkut inuusuttut naluttartut ilimanaatillit unammilligassaqassapput, nuannaartorisaqassapput nalunnguarnerullu aallutiinnarnissaanut piumassuseqalissallutik.
Aningaasaliissutigineqarput 30.000 koruunit.

• Iluliaaraq. Siunertaavoq inunnut marlunnut ilinniagaqartitsinissaq piginnaasanillu ineriartortitsinissaq. Iluliaaqqami sulinerup nanginnissaanut nutaanik isumassarsiorluni, Kalaallit Nunaanni meeqqanut inuusuttunullu iluaqutaasumik - nunanilu avannarlerni suleqatigiinnernik nutaanik pilersitsilluni kiisalu assilialianik eqqumiitsuliornermik ilinniarfiit allat tikeraarlugit, misilittakkanik taarseeqatigiinniarluni annertunerusumillu kulturikkut taarseeqatigiittarnissamik pilersitsiniarluni. 2013-imi aasakkut Tórshavnimi nunat avannarliit assinik pædagogik-imik seminar-eqarneranni "Fugl, fisk, fjeld og faldgruber" peqataaneq. Angalanermi Island aqqusaarneqassaaq Reykjavikimi assilialianik eqqumiitsuliornermik ilinniarfiit pulaarneqassallutik.
Aningasaliissutigineqarput 15.000 koruunit.

• NAPA v/Katja Vahl. Siunertaavoq "Nuummi nunat avannarliit killiit ulluinik" ingerlatsinissaq. Nunat avannarliit killiit ullui sillermeersumik Kalaallit Nunaanni ingerlanneqassapput. 2013-imi septembarip 13-iannit 15-iannut nerisassiortartut, nipilersortartut filmiliortartullu Nuummi naapisimaassapput. NAPA-p suliniut aqutaraa Katuaq suleqatigalugu.
Aningaasaliissutigineqarput 50.000 koruunit.

• Nuuk Shotokan Karate Do v/Kristian Frohn. Siunertaavoq Nuuk Shotokan Karate Do Reykjavikimi karatertartut klubbiannik Thorshammer-imik kulturikkut timersornikkullu suleqateqarnissaa, klubbillu kissaatigaa inuusuttut Nuup avataani silarsuarmik allaanerusumik isiginnilernissaat. Amerlasuut Kalaallit Nunaata avataaniinngisaannarsimapput, Reykjavikimiluunniit. Siunertaavoq illoqarfinni taakkunani marlunnu inuusuttut paasinerulernissaat, kulturikkut timersornikkullu.
Aningaasaliissutigineqarput 20.000 koruunit.

• Hrókurinn Skakklub: Jonathan Motzfeldt eqqaaniarlugu Skak-imik festivalerneq.
Festivalimi siunertaassaaq Kalaallit Nunaanni skak-ertarnerup nukittorsarnissaa, Islandip Kalaallillu Nunaata akornanni ikinngutigiinnerup nukittorsarnissaa kiisalu Jonathan Motzfeldtip ataqqiniarneqarnera.
Aningaasaliissutigineqarput 34.800 koruunit.

• Steindór Árnason. Nipilersornikkut kulturikkullu suleqatigiinneq. Siunertaavoq itsaq Nunani Avannarlerni nipilersornermut erinarsornermullu paasissutissanik misissuinissaq. Teknikkit pisoqqat nutaallu atorlugit. Gruppip inuusuttut sapaatip akunnerata ataatsip missaani sungiusassavai, tamannalu ataatsimut tusarnaartitsinermik kinguneqassaaq. Suliniutip ilaatut aggustip 17-anni Katuami tusarnaartitsisoqassaaq kiisalu illoqarfimmi nipilersortartut suleqatigalugit pikkorissartitsisoqassalluni, tassani nipilersortartut tusaamasat ilitersuisuussallutik.
Aningaasaliissutigineqarput 34.800 koruunit.

• Ólafur Egilsson. "Way up north". Suliniummi siunertaq tunngaveqarpoq TV-kut nangeqattaartuliaaqqamik (4x60 min.) suleqatigiinnissamik isumaqatigiissut, taannalu Islandimi suliarineqassaaq. Filmiliornerit ingerlanneqassapput Tórshavnimi, Reykjavikimi Nuummilu. Oqaluttuaq piviusunik tunngaveqarpoq, nunanik pingasunik ataqatigiissitsisunik, nunanilu avannarlerni illoqarfiit pingaarnersaanni inuunermik oqaluttuarluni, tamarmik soqutigisaqaqatigiissunik inuunermilu atugaqaqatigiissunik.
Aningaasaliissutigineqarput 19.500 koruunit.

• Hallgerdur Hallgrimsdóttir: "Moderlandet". Suliniutikkut siunertaavoq qallunaat nunasiarisimasaasa takutinnissaat: Savalimmiut, Kalaallit Nunaat Islandilu, assit atortoralugit. Ullumikkut nunani avannarlerni nunat taakkua pingasut assigiinngitsumik Danmarkimut attuumassuteqarput, Island namminersulivinnikuuvoq, Savalimmiut Kalaallillu Nunaat namminersornerusuusut. Suliniut "Moderlandet" takussutissiatut eqqumiitsuliaassaaq, nunat innuttaasalu kulturiat ulluinnarnilu inuunerat takutinneqarlutik.
Aningaasaliissutigineqarput 10.900 koruunit.

Aningaasaateqarfik siulersuisunit qulingiluanik ilaasortalinnit aqunneqarpoq, tassaasut illoqarfiit pingaarnersaanni pingasuni borgmesterit aamma kommunalbestyrelsimut/byrådimut ilaasortat marluk.

 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER