Skip to main content

Nunani allani aningaasat nalingisa annikillinerat Royal Greenlandimut eqquivoq

Royal Greenlandip ukiup qiteqqunneranut naatsorsuutaasa ersersippaat akileraannginnermi angusat 59 millioner koruuniusut aammalu akiitsut aatsaat taama appasitsigalutik 958 millioner koruuniusut. Angusaq naammagisimaarneqarpoq

- Angusat pitsaasut akiitsullu appasinnerpaat.

Royal Greenlandip ukiup qiteqqunneranut naatsorsuutaasa inerneri ullumi pingasunngornermi nalunaarutigineqarpoq. 

Akileraannginnermi 59 millioner koruuninik angusat ukiup siuliani angusatigut 25 millioner koruuninik appariarfiusimanerannik ersersitsipput, tamatumanilu nunani allani aningaasat nalingisa ineriartornerisa killup tungaanut ingerlasimanerat kisiartatut pissutaavoq, pingaartumik japanimiut aningaasaat yen eqqarsaatigalugu. Aningaasat nalingisa allanngorarnerat ukiup siulianut naleqqiullugu 40 millioner koruuninik ajunaarutaasimapput.

Pingaarnertut aallussatigut angusat aningaasat nalingisa allanngorarnerisa kingunerluutissaraluisa ilaannik pakkersimaartitsisinnaasimapput. 

- Naak Wilhelmshavenimi tunisassiorfiup tunineqarneragut kaaviiaartitat tamakkiisut 11 procentinik appariarsimagaluartut aallussaqarfiit kiserngoruttut ukiup siulianut naleqqiullugit naammagisimaarutaalluartumik 7 procentinik qaffariarfiusimapput, pisortaaneq Mikael Thinghuus oqarpoq. 

100 millioninik sinneqartoornissaq
Akiitsut erniallit 2007/2008-mi 2,3 milliarder koruuniusimapput. Maanna amerlassusigiligaat milliardit aappaa avillugu koruuninik ikilisinneqarsimanerisa naligaat.

Royal Greenlandip akimmisaarutinik qaangiiniartarnini ukiuni kingulliunerusuni ilisimaneqaatigilersimavaa, taamaammallu suliffeqarfiup ineriartornissaanut neriulluaateqarpoq. Suliffeqarfiup taamaammat siorna ukiumoortumik angusarisimasami annertoqataannik angusaqarnissaminik siusinnerusukkut nalunaaruteqareernini aalajangiusimavaa, tassalu akileraareerluni 100 millioner koruuninik sinneqartoornissaq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER