Skip to main content

Nunamineralsip ingerlaannarnissaminut akissaqanngilaq

- Aaqqiissutissaasinnaasumik ujartuineq qanoq inerneqassanersoq suli nalunarpoq, ingerlatseqatigiiffimmit nalunaarutigineqarpoq

Nunamineralsip aningaasaqarnikkut ingerlanerlunnini nalunaarutigaa. 

Ingerlatseqatigiiffik annertuumik aningaasatigut ajornartorsiuteqartoq nalunaarutigineqarpoq. Aamma aaqqiissutaasinnaasunik ujartuinerup qanoq inerneqarnissaa suli nalunartoq oqaatigineqarpoq. 

- Nunamineralsip aningaasaqarnera ilorraap tungaanut aallartinniarlugu siulersuisut periarfissanik ujartuipput. Namminersorlutik Oqartussanit 4,5 million koruuninik atukkinneqarneq pillugu aamma aaqqiissutaasinnaasunik ujarlertoqarpoq, ingerlatseqatigiiffimmit nalunaarutigineqarpoq. 

Nunamineralsip aningaasat Namminersorlutik Oqartussanut utertissinnaanngilaat maannakkut. Aamma ingerlatseqatigiiffiup ingerlaqqinnissaanut akissaqarunnaarpoq. 

- Aningaasaliisinnaasut qanoq sunniuteqarsinnaanerat suli nalunarpoq. Akiliisinnaajunnaartoqarnerata pissutigisaanik annikillisaanerit ingerlanneqalersinnaapput ulluni tulliuttuni, ingerlatseqatigiiffik nalunaaruteqarpoq. 

Nunamineralsip aktiaannik danskit fondsbørsiatigut Københavnimiittumi pisisinnaaneq unitsinneqartoq tallimanngornerup ullaani nalunaarutigineqarpoq. 

Ingerlatseqatigiiffiup ingerlariaqqinnissani sapaatip akunnerani aggersumi naliliissaaq. 

Nunaminerals A/S-ip aktiaataat aktiamut ataatsimut 5 koruunimit 10 oorinut appartinneqarpoq januaarip 29-ani. Suliffeqarfiup nammineq aningaasaatai 137.954.700-ninit 2.759.094 koruuninut appartinneqarput, taakkulu annaasanut matussusissapput. Nunamineralsip siulersuisuisa ataatsimiinnerat Hotel Hans Egedemi Nuummiittumi immikkut ittumik ataatsimeersuarnerannit taamatut aalajangertoqarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER