NunaMineralsip amigartooruteqarujussuarnissani naatsorsuutigaa

NunaMinerals A/S Kujataani Vagar-imi kuultimik ujaasinerminut atatillugu ukiup ingerlanerani arlaleriarluni ´Nunatsinni kuulteqarfiit ilimanaateqarnerpaat´ tipaatsuutigisaraluarlugit siulersuisut naatsorsuutigaat amigartooruteqarujussuarnissaq.
Atuaruk "Nunaminerals kuultimik nuannaaruteqaqqippoq"
Atuaruk "Nunamineralsip kuulteqarluarnera nuannaarutigaa"
Aatsitassanik ujaasinermik selskabip ilaannakortumik namminersorlutik oqartussanit pigineqartup Nunaminerals-ip siulersuisuisa pingasunngormat piffissamut januaarip aallaqqaataanit septembarip 30-annut 2013 ukiup ilaanut nalunaarusiaq oqaluuseralugulu akuersissutigaat. Tassani allassimavoq ´selskabip akuersissutaasa 52 millioner koruuninik nalikilliliiffigineqarnerat pissutigalugu selskabip 2013-imut naatsorsuutigaa akileraarutit suli ilanngaatiginagit 57-62 millioner koruuninik amigartooruteqarnissaq´.
NunaMineralsip 2013-imut naatsorsuutigisimagaluarpaa akileraarutit suli ilanngaatiginagit amigartoorutit 5-10 millioner koruunit akornanniissasut.
NunaMineralsip ukiup ilaanut nalunaarusiaa nutaaq allaaserisap talerpia'tungaani pdf-fili atorlugu atuaruk
Sermitsiaq.AG-p oqaluttuaq malitseqartissavaa