NunaMinerals
Nunamineralsip akiliisinnaajunnaartutut nalunaarutigineqarnissaa akiligassaqarfiup piumasaraa
Selskabip akiliisinnaajunnaartutut nalunaarutigineqarnissaa akiligassaqarfiup ataatsip Kalaallit Nunaata Eqqartuussivianut suliassanngortippaa, Nunaminerals nalunaarutikkut allappoq
Nunaminerals qaammatini arlalinni akilersuinerminik uninngatitsisimavoq.
Aqagulu, sisamanngornermi, selskabip siunissaa aalajangiiffigineqassaaq. Kalaallit Nunaata Eqqartuussiveqarfiata ulloq eqqartuussivissaq aalajangiuppaa, selskabip akiliisinnaajunnaartutut nalunaarutigineqarnissaa akiligassaqarfiup ataatsip piumasarereeraalu.
Ukiumoortumik nalunaarut kinguaattoorpoq
– Selskabip neriuutigaa tamatuma kinguninngua akiligassaqarfinnut qanoq akiliinissamut siunnersuummik saqqummiussaqarumaarluni, Nunaminerals nalunaarummi allappoq.
Nunamineralsip 2015-imut ukiumoortumik nalunaarutaa aamma kinguaattoorsimavoq. Pilersaarutigineqarsimagaluartoq aangusanut naatsorsuutit marsip 31-anni saqqummiunneqassasut.
– Sisamanngorpat eqqartuussinerup kingorna selskabi nutaamik paasissutissiissaq, Nunaminerals nalunaarpoq.