Skip to main content

Nunamineralsip akiliisinnaajunnaarnissamik qinnuteqaatini utertippaa

Suliffeqarfik misissueqqissaarnermik ingerlatsisoq, Nunaminerals, tupaallaatigineqartumik tallimanngornermi nalunaaruteqarpoq. Suliffeqarfiummi akiliisinnaajunnaarnissamik qinnuteqaataa utertinneqarpoq

Allaaserineqartoq paasissutissanik amerlanerusunik imaqarluni nalunaaqutaq 11.19 nutarterneqarpoq

Suliffeqarfik misissueqqissaarnermik ingerlatsisup akilersuiunnaarnissaa suliffeqarfimmut annaassissaaq. Nunaminerals aamma Greenland Mining Management taamatut pilersaaruteqarput. 

Eqqartuussivimmi suliffeqarfiup akiliisinnaajunnaarnera pillugu suliarineqartussaagaluaq, Nunaminerals aalajangerpoq akiliisinnaajunnaarnissamut qinnuteqaatini utertiinnarniarlugu, suliffeqarfillu akilersuinermik unitsitsilluni. 

Siunissamut pilersaarut
Namminersorlutik Oqartussat, suliffeqarfiit suleqatigineqartut aningaasaliisullu suleqatigalugit siunissamut pilersaarusiortoqarnissaa Ole Christiansenimit neriuutigineqarpoq. 

Greenland Mining Management aamma Nunaminerals isumaqatigiissusiortariaqarput suliffeqarfik ingerlaqqissinnaassappat. Aamma suliamut attuumassuteqartut tamarmik isumaqatigiissuteqartariaqarput. Isumaqatigiissummi imaassinnaasoq akiligassat allamut nuunneqartut imaluunniit aningaasanik utertitsinissamut piffissaliussaq kinguartinneqassasoq. 

Ataatsimeersuartoqaqqittariaqartoq
NunaMineralsip GMM-illu akornanni aaqqissuusseqqinnissamik isumaqatigiissut Namminersorlutik Oqartussanit Greenland Holding A/S-imillu akuersaarneqartoq NunaMineralsimi piginneqataassutinik pigisaqartut ikinnerpaamik 2/3-liisa akuersaartariaqarpaat.

Tallimanngornermi eqqartuussisoqarnissaa naatsorsuutigineqarsimagaluarpoq. Tassani suliffeqarfiup akiliisinnaajunnaarnera pisortatigoortumik nalunaarutigineqarsimasussaagaluarpoq. 

Suliffeqarfimmit Namminersorlutik Oqartussaniillu suliffeqarfiup siunissaa pillugu ataatsimiittaqattaartoqareerpoq, suliffeqarfiup siunissaa pillugu isumaqatiginninniartoqartarluni. 

Greenland Mining Managementimit siunnersuutigineqartoq Naalakkersuisunit ilalertinneqanngilaq. Suliffeqarfimmi pisortaasup, Patrick Newmanip, KNR-imut pingasunngormat oqaatigaa aatsaat tallimanngornermi oqaaseqarniarluni.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER