Skip to main content

Nunamineralsip aatsitassarsiornermut akuersissutaatini tunniukkaa

Nunamineralsip suleqataata, Greenland Rare Earth Projectsip, Paatusuumi aatsitassarsiornissamut akuersissut piffissami qaninnermi pissarsiarissagunarpaa, Ritzau Finans allappoq

Namminersorlutik Oqartussanit ilaannakortumik aatsitassarsiorfiup pigineqartup, Nunaminerals A/S-ip, Paatusuumi aatsitassarsiornissamut akuersissutaani suleqatiminut, Greenland Rare Earth Projectsimut (Grep-imut) ingerlateqqippaa.

Akuersissummilli ingerlatitseqqiineq Naalakkersuisunit akuerineqaqqaassaaq.

Nunamineralsimik piginneqataasut sisamanngornermi januaarip 29-ani immikkut ittumik ataatsimeersuartinneqassapput isummertinneqassallutik suliffeqarfik Københavnip børsiani nalunaarsorsimajunnaassanersoq.

Atuaruk: Soraarnerup Nunaminerals aningaasarpassuarnik annaasaqaatigilerpaa

Ataatsimeersuarnissaq Namminersorlutik Oqartussat kaammattuuteqarneratigut ingerlanneqassaaq, ilaatigummi taakkua decembarimi suliffeqarfimmut 4,5 millioner koruuninik atukkiipput ataatsimeersuartoqareerluni Nunamineralsip siunissaq ungasinnerusoq eqqarsaatigalugu aaqqissuuteqqinneqarnissaa siunertaralugu.

Atuaruk: Nunaminerals ernumanartumik ataatsimiittoqalinnginnerani assuaraa

Atuaruk: Nunaminerals nakkaattuulerpoq

Maannalu tassa ilimanarsivoq suliffeqarfik nammineerluni børsenimi nalunaarsorsimajunnaarnissani isumaginiaraa, tamakkiisumik Namminersorlutik Oqartussanit aqunneqalernissani siunertaralugu.

Nunamineralsimmi nammineq siunnersuutigaa pigisat naleerutsinneqareernerisigut, piginneqataasut piginneqataassutsinik pisisinnaajunnaartillugit pigisat naliisa 500.000 koruuninut Namminersorlutik Oqartussat tapiissuteqarneratigut qaffatsinneqaqqinnissaat.

Nunaminerals pillugu allaaserisat allat uani atuakkit

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER