Skip to main content

Nunaminerals sakkortuumik uparuarneqareerluni akivoq

Nunaminerals 2015-imiit 2017-imut pilersaarumminik oktobarimili Namminersorlutik Oqartussanut tunniussereerpoq, taama Nunaminerals Naalakkersuisut siulittaasuata uparuaaneranut akissuteqarpoq

Nunamineralsimi piginneqatiginnissutinik amerlanerpaamik pigisaqartup, tassalu Namminersorlutik Oqartussat, Nunamineralsimit akulerutsinneqannginnerarlugit kiisalu Nunaminerals suliffeqarfiup ingerlaqqinnissaanut pilersaarummik tigussaasumik tunniussisimannginnerarlugu uparuarpaat.

Tamanna pivoq Naalakkersuisut siulittaasuata, Siumumeersup Kim Kielsenip, tusagassiuutinut nalunaaruteqarluni ilaatigut oqaatigimmagu Nunamineralsip ingerlateqqinnissaanut pilersaarummik Nunaminerals nammineerluni saqqummiussisimanngitsoq.

- Tamanna uggornarpoq, ingammik Naalakkersuisut novembarip 27-anni 2014-imi 4,5 millioner koruuninik taarsigassarsititsinerminni selskabip nutaamik pilersaarusiorneqarnissaanik siunnerfilerneqarnissaanillu piumasaqarnerat eqqarsaatigalugu.

- Maannamut selskabimik annaassiniarluni allamik pilersaaruteqanngilaq, unneqqarissumillu oqaatigissagaanni siulersuisut aktiaatilinnut paasissutissanik apuussaqartarsimanngillat, Naalakkersuisut siulittaasuat Kim Kielsen tusagassiuutinut nalunaaruteqarluni ilaatigut taama marlunngornermi allappoq.

Atuaruk: Naalakkersuisut: Nunamineralsimut aningaasaliissutigineqarsimasut tamarmik annaaneqareerput

Namminersorlutik Oqartussat pilersaarut tigoreerpaat
Kisianni Nunamineralsip, aatsitassarsiorfiup pisortaanerata Ole Christiansenip oqarnera naapertorlugu, siornali oktobarimi Nunamineralsip piffissamut 2015-imiit 2017-imut pilersaarutaa aatsitassarsiorfiup piginneqatiginnissutinik pigisartumi annerpaartaanut nassiutereersimavaa.

- Tallimanngornermi oktobarip 17-anili 2014-imi ukioq 2015-imiit 2017-imut pilersaarupput Namminersorlutik Oqartussanut nassiupparput. Pilersaarummi tassani allaaseraarput suut anguniarnerigut, kiisalu suliassariumaakkatsinni aningaasat pisariaqartitagut allaaseralugit, taama Nunamineralsip pisortaanera Ole Christiansen Kim Kielsenimut akissuteqarpoq.

Nunaminerals, aningaasaqarniarnermigut ajorluinnartumik inissisimasoq kiisalu matoriaannaasutut inissittoq, sisamanngornermi immikkut ataatsimeersuassaaq, ilaatigut piginneqatigiissutit naleerutsinneqarnissaat kiisalu  fondsbørsenimi Københavnimiittumi nalunaarsorsimajunnaarnissaanut tunngasut taasissutigineqassallutik.

Atuaruk: Akuersissut tunniunneqarpoq suliffeqarfiup matuneqarnissaa aarlerineqarmat

Atuaruk: Nunamineralsip aatsitassarsiornermut akuersissutaatini tunniukkaa

Paasissutissat allat aaneqariaannaapput
Naallu Naalakkersuisut siulittaasuata aktiaatilinnut paasissutissanik Nunamineralsip siulersuisui apuussaqartarsimanngitsut marlunngornermi oqaluttuarigaluaraa, taava pilersaarut ilanngullugu, paasissutissat allat tamarmik aaneqarsinnaasut Ole Christiansen oqarpoq.

- Kinaluunniit suliffeqarfiup kvartalikkaartumik nalunaarutaanik Nunamineralsip nittartagaanut aallersinnaavoq, Ole Christiansen Sermitsiaq.AG-mut oqarpoq.

Namminersorlutik Oqartussat amerlanerpaanik, tassa 33,41 procentinik, Nunamineralsimi piginneqatiginnissutinik pigisaqarput. Piginneqatiginnissutinik amerlanerpaanik pigisaqartut aappaat tassaapput Lønmodtagernes Dyrtidsfond aamma Nykredit Bank, taakkua piginneqatiginnissutit 16,89 procentiinik aamma 9,71 procentiinik pigisaqarmata.

Piginneqataasuaqqat 3.000-t allat, amerlasuut nunatsinni najugallit, piginneqatiginnissutit sinneri, tassa 40 procentit pigaat.

Atuaruk: Kim Kielsen: Nunamineralsimik naakkittaatsumik tigusiniartoqanngilaq

Atuaruk: Nunaminerals nakkaattuulerpoq

Nunamineralsi pillugu allaaserisat allat uani atuakkit

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER