Skip to main content

Nunaminerals pillugu qanoq pisoqarsimaneranik nassuiaasiortoqarnissaa IA-mit neriuutigineqarpoq

- Eqqissiimisoqariarpat pissusissamisuussaaq Nuna Minerals pillugu qanoq pisoqarsimaneranik nassuiaasiortoqarnissaa, Inuit Ataqatigiinnit oqaatigineqarpoq. Naalakkersuisut Inatsisartullu akornanni alloraassaaqatigiinnisssaq pingaartorujussuusoq IA-mit aamma isumaqarput

Nunamineralsip aningaasatigut ingerlanerlunnera pillugu partiit akornanni suleqatigiinneq annerusoq ingerlanneqalissasoq Inuit Ataqatigiinnit piumasarineqarpoq. 

- Oqallinnermi pinaveersaartariaqarparput inuit akornanni pissutsit imaluunniit partiilersornikkut isumaqatigiinnginneq pissutigalugit ajortumik ingerlalernissaq. Tamanna pisariaqartinngilarput, Inuit Ataqatigiit politikkikkut oqaaseqartartuat Naaja Nathanielsen tusagassiutinut nalunaarummi allappoq. 

Aningaasaliisut malinnaasut
Pisut nunatsinni nunanilu allani aningaasaliisartut malinnaaqqissaartut oqaatigaa. 

- Taamaattumik pingaaruteqartorujussuuvoq Aningaasaqarnermut Ataatsimiititaliaq piaartumik pisut pillugit ilisimatinneqarnissaa. Nunaminerals sapaatip akunnera kingullermi ataatsimeersuarnerata kingorna Naalakkersuisut qanoq pilersaaruteqarnersut qanorlu Inatsisartuniit tapersersorneqarnissamik ujartuinersut. Taamaattumik nuannaarutigaarput Aningaasaqarnermut Ataatsimiititaliap Naalakkersuisut siulittaasuat aggersarsimammassuk Nunaminerals pillugu paasissutissiiniassammat, Naaja Nathanielsen itisiliivoq.

Nassuiaasoqarnissaa pingaarutilik
Nunamineralsimi pisut ilinniutigineqarnissaat Inuit Ataqatigiinnit pingaartinneqarpoq. 

- Eqqissiimisoqariarpat pissusissamisuussaaq Nunaminerals pillugu qanoq pisoqarsimaneranik nassuiaasiortoqarnissaa. Una pisoq ilikkarfigisinnaasariaqarparput, taamaalilluta periusissiassagut qanoq pitsanngorsarsinnaanngorlugit ilisimaniassagatsigu. Taamaattumik nassuiaammi ilanngunneqartariaqarput Nunaminerals-ip pissusilersorsimanera kiisalu politikkikkut pisut qanoq Nunamineralsimut sunniuteqarsimanera, Naaja Nathanielsen oqarpoq. 

Nunaminerals A/S-ip aktiaataat aktiamut ataatsimut 5 koruunimit 10 oorinut appartinneqarpoq. Suliffeqarfiup nammineq aningaasaatai 137.954.700-ninit 2.759.094 koruuninut appartinneqarput, taakkulu annaasanut matussusissapput. Nunamineralsip siulersuisuisa ataatsimiinnerat Hotel Hans Egedemi Nuummiittumi immikkut ittumik ataatsimeersuarnerannit taamatut aalajangertoqarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER