aatsitassat
Nunaminerals piffissaq kingulleq atorlugu akiliisinnaajunnaarnermit annaanneqartoq
Nunamineralsimi aningaasaliisut akiligassaqarfinnut aningaasaliissutissanik pissarsinissartik iluatsippaat
Pigisanik agguaasisarnermut eqqartuussisarfimmi marlunngornermi Nunamineralsip akiliisinnaajunnaarneranut piumasaqaatinik marlunnik piffiussaliussisoqarsimavoq. Kisiannik ingerlatseqatigiiffik aatsitassanik ujaarlernermik suliaqartoq, piffissaq kingulleq atorlugu annaanneqarpoq.
Radioaviisi taama oqaluttuarpoq.
Akiliisinnaajunnaarnermik piumasaqaat itigartinneqartoq
Akiligassaqarfinnut arlalinnut aningaasanik pissarsinissaq iluatsinneqarpoq, taamaattumillu akiliisinnaajunnaarneq pinngitsoortinneqarpoq, eqqartuussivimmiinnissarlu pinngitsoortinneqarluni.
Nunamineralsip eqqartuussissuserisua Britta Keldsen KNR-imut oqaluttuarpoq.
Ingerlatseqatigiiffik aatsitassanik ujaarlernermik suliaqartoq aningaasarliortoq, novembarimi 2015-imi Tulunnit pisiarineqartoq, ukioq ataaseq sinnerlugu akilersuiunnaartutut inissisimanikuuvoq.
Atuaruk: Nunamineralsip akuersissutai qanoq pineqassappat?