aatsitassarsiorneq

Nunaminerals nakkaattuulerpoq

Nunamineralsip naleqassutsini 82 million koruuninik nalikillisippaa

Nunamineralsimi pisortaaneq, Ole Christiansen

London Mining siulliulluni akiliisinnaajunnaarpoq. Imaassinnaavorlu Nunaminerals tullinnguuttoq. Nunamineralsilli ingerlannaarnissani suli sulissutigaa. Taamaakkaluartorli naleqassutsini 82 million koruuninik annikillisillugu.

Suliffeqarfik fondsbørsenimut nalunaaruteqarpoq ataasinngornerup ullaavani.

Suliffeqarfik 85 million koruuninik 2014-mi amigartooruteqartoq Nunamineralsimit nalunaarutigineqarpoq. Tamannalu pissutigisaanik suliffeqarfik imaassinnaasoq matuinnartariaqalersoq.

Siulersuisuni ilaasortaasut immikkut ittumik ataatsimiingajalerput. Namminersorlutik Oqartussat 4,5 million koruuninik suliffeqarfimmut atukkiinissaanut siunnersuut oqallisigineqassaaq.

Matuinnartariaqalersinnaasoq
Piginneqatigiit aningaasaliissutaata allanngortinneqarnissaa Namminersorlutik Oqartussat aningaasanik atukkiinermini piumasaqarpoq. Aningaasat ajunaarutaasimasut matussuserneqarnissaat siunnersuutigineqarpoq. Piginneqatigiit aningaasaliissutaata 0 koruuninngornissaa Namminersorlutik Oqartussanit utaqqineqarpoq.

Aaqqiissutaasinnaasumik nassaartoqanngippat suliffeqarfik matusariaqassaaq, Nunaminerals allappoq.

Nunamineralsip suliassai 76 million koruuninik naleqartut misissuinerup takutippaa.

Suliffeqarfiulli aningaasatigut ajornartorsiornera misissuinermi ilaatinneqanngilaq.

Aningaasaateqarpianngitsut
- Aningaasaatit amerlineqarnissaat suliffeqarfimmit ukiuni kingullerni suliniutai iluatsissimanngillat. Suliffeqarfiup ataavarnissaminut aamma akissarititaanut inorsarpoq, nalunaarummi allaqqasoqarpoq.

Suliffeqarfiup aningaasaateqarpiannginnerata pissutigisaanik suliffeqarfiup ataavarnissaanut misissuinissanullu aningaasaateqannginnerata pissutigisaanik misissuisimanerni aningaasartuutigineqartut nalilersorneqassapput.

Nunaminerals Nunatsinni kuultinik ujaqqanillu illernartunik misissuisartuni suliffeqarfinni anginersaavoq.

Aviisimi Sermitsiami allaaserineqartoq 'Kim Kielsen NunaMinerals pillugu: Uppertikkuminartuunngilagut' atuarneqarsinnaavoq. Aviisi sapaatip akunnerata siuliani saqqummersoq ataani pisiarineqarsinnaavoq:

Powered by Labrador CMS