Skip to main content

Nunaminerals ernumanartumik ataatsimiittoqalinnginnerani assuaraa

Nunaminerals immikkut ataatsimeersuartoqarnissaanut januaarip 29-ani aggersaavoq. Naalakkersuisut siulittaasuata Kim Kielsenip oqarneratut suliffeqarfik allatut aqunneqalissaaq

Namminersorlutik Oqartussanit ilaannakortumik pigineqartup aatsitassarsiorfiup Nunamineralsip immikkut ataatsimeersuarnisaaq januaarip 29-ani pisussanngorlugu ullulerlugu aggersaavoq, ilaatigut ataatsimiinnermi oqaluuserineqartussaavoq piginneqatigiissutit naleerutsinneqarnissaat kiisalu  Fondsbørsenimi Københavnimiittumi nalunaarsorsimajunnaarnissaa.

Nunamineralsimi siulersuisut ataasinngornermi suleqarfiup nalinga 82 million koruuninik annikillivaat, taamaalilluni suliffeqarfik 2014-imi naatsorsuutigineqalersutut 85 million koruuninik amigartooruteqartussanngortutut inissillugu.

- Ataaseq qularnanngilaq. Taamatut (Nunaminerals, aaqq.) aqunneqaqqissanngilaq maannamut aqutsisimanertut.

Taama Naalakkersuisut siulittaasuat Kim Kielsen ataasinngornermi Qanoruumi oqarpoq.

Atuaruk: Nunaminerals nakkaattuulerpoq

Atuaruk: Kim Kielsen: Nunamineralsimik naakkittaatsumik tigusiniartoqanngilaq

Inatsisartut aningaasaqarnermut akileraartarnermullu ataatsimiisitaliarigallagaata ukiarmi Nunamineralsip novembarimi, decembarimi januaarimilu ingerlanneqarneranut atorneqartussanik 4,5 million koruuninik aningaasaliissuteqarput.

- Siullertut oqaatigissavara Nunaminerals 4,5 million koruuninik atukkerneqarnermini ersarissumik piumasaqarfigineqarpoq. Piumasaqaatillu ilagivaat suliffeqarfimmut pilersaarummik anguniakkanillu tunniussaqarnissaq.

- Maannalu uuma qaammatip naalernerani aningaasaataarussimagunik, taava aperisariaqarpugut sooq pilersaarusiorsimannginnersut qanoq iliortoqarnissaanut.

- Soorunami suliffeqarfiup maanna matunissaa orniginanngilaq, kisianni ingerlaqqissappat, taama aqunneqarneratigut allannguisoqartariaqarpoq, tassani Namminersorlutik Oqartussat iliuuseqarnissaminut piareersimapput, Kim Kielsen oqarpoq.

Namminersorlutik Oqartussat Nunamineralsimi piginneqatigiissutit 33 procentii pigivaat.

Nunamineralsi pillugu allaaserisat allat uani atuakkit

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER