aatsitassat
NunaMinerals aningaasanik suli ujartuivoq
NunaMineralsip siulersuisuisa 5 - 10 millioninik 2014-mi amigartoornissartik naatsorsuutigaat
NunaMineralsip juulip aallartinnerani nalunaarutigaa Greenland Holdingimut 2,5 million koruuninik atorsimallutik.
NunaMinerals A/S-ip siulersuisuisa januaarip aallaqqaataanit juunip 30-anut aningaasanik missingersuut suliareqqammerpaat.
- Maannakkut aningaasaliiumasunik isumaqatiginninniarpugut, taakkulu Vagarimi kuultisiornissami aningaasat atorneqartussat tassa isumaqatiginninniutigineqarlutik. Suliffeqarfimmut aningaasaliiumasut suli killeqarput, ukiup affaanut aningaasanut missingersiami ilaatigut nalunaarummi taama allaqqasoqarpoq.
Siulersuisut siulittaasuat Birk Bovaird aamma pisortaanerup Ole Christiansenip naatsorsuugaat 2014-imut 5 millioninit 10 millionit tikillugit (EBITDA) suliffeqarfik amigartuussasoq. (Talerpiata tungaani isumaa atuaruk)
Suliffeqarfik Namminersorlutik Oqartussanit ilaannakuusumik pigineqartoq Nunaminerals A/S Kalaallit Nunaanni kuultisiornermi, illernartuutini kanngussanillu suliaqartuni anginersaavoq.
Ukiup affaanut missingersuut talerpiata tungaani atuarneqarsinnaavoq