Nunami uuliasiorfissaq nutaaq akuersissutigineqarpoq
Greenland Gas and Oil Limited (GGO) Tunumi Jameson Landimi qillerinissamik qalluinissamillu akuersissummik tunineqarnissaat, Naalakkersuisut akueraat.
Tunumi Jameson Landimi uuliasiorfiusinnaasooq 2600 km2-it missaannik annertussuseqartoq, inuussutissarsiornermut naalakkersuisoqarfik tusagassiutinut nalunaarummi paasissutissiivoq.
GGO tassaavoq Tuluit Nunaanni tunngaveqartutut uuliasiornermik gassisiornermillu ingerlatseqatigiiffik, Kalaallit Nunaannik alaatsinaataqartoq. Uuliaqarfittut tunisassiorfiulersillugu Jameson Landimi akuersissuteqarfiup ineriartortinnissaa ingerlatseqatigiiffiup periusissiaraa.
Pitsaasumik ineriartortitsineq
Kalaallit Nunaanni uuliasiornermut tunngatillugu killup tungaanut ingerlaarnerup saqinnissaa iluatsittoq akuersissutikkut kingullikkut erseqqarissisimavoq. Maannakkut 2018-illi qeqqanit uuliasiornermik suliassaqarfimmi ujaasillunilu iluaquteqarnissamut akuersissutit nutaat katillugit sisamat nalunaarutiginissaat qinnuteqaataapput, Inuussutissarsiornermut Nukissiuuteqarnermullu Naalakkersuisoq Aqqalu Jerimiassen oqarpoq.
Ussassaarinermik iliuuserisaq nukittorsarlugu misileraanissaq eqqortuusimasoq allanngoriartornerit kingulliit takutikkaat taassuma oqaatigaa.