Skip to main content

Nunalerisut panernersuarmit eqqugaasut

Kujataani nunalerisut ikiorserneqartaleriaqartut borgmesteri Jørgen Wæver Johansen oqariartuuteqarpoq

Kalaallit Nunaata kujataani nunalerisut panernersuarmit eqqugaasimanerannut ikiorsiisoqartariaqartoq Kommune Kujallermi borgmesteri Jørgen Wæver Johansen Naalakkersuisunut oqariartuuteqarpoq. 

- Qaammatini kingullerni marlunni Kujataani qaqutigoortumik panernersuaqarnera pissutigalugu savaateqarfinni narsaatit asinngarsimapput inerititaqarfiusimanatillu. Naggorissaatit maj-junimi narsaatinut siammarterneqarsimasut arrorsimanatik narsaatit qaaginnaaniipput naatinniakkanut sumilluunniit iluaqutaanatik. Aamma qaqqani naanerit asiulermata savat nerisassaqarluanngillat savaaqqallu oqinnerullutik, Jørgen Wæver Johansen Naalakkersuisunut allakkanik ammasunik allagaqarpoq.

Naatitsinerliornerujussuaqarpoq 
Nerukkaatissanik naatitsinerliornerujussuaqartoq oqaatigineqarpoq.

- Uagut nunatut ataatsimoorluta nunaatilittavut piaarnerpaamik ikiortariaqarpavut soorlu nunani allani taama iliortartut. Nunatsinni nammaqatigiinnerput timitalertariaqalerparput pisumilu matumani pingaartilluinnartariaqarlugu, borgmesteri allappoq. 

Naalakkersuisut kajumissaarneqassapput umiarsuup nerukkaatissanik suli amerlanerusunik savaateqarfinnut immikkut ittumik assartuisussap angalaqqinnissaanut piaarnerpaamik akuerseqqullugit. 

Aamma Naalakkersuisut Inatsisartullu kajumissaarneqassapput panernersuarmit eqqugaasimasut nerukkaatissarsiniarnissaannut immikkut ittumik piaartumik taarsigassarsisinnaanngornissaat sulissutigeqqullugu, taarsigassarsiallu taakku ukiuni qassiini taarsersorneqarsinnaasariaqarput savaatillit 2016-imi taarsigassanik artorsinneqaqqunagit.  

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER