savaatillit
Nunalerinermut siunnersuisoqatigiit: Inatsit killissaqartitsivoq
Nunalerinermik inuussutissarsiornerup ineriartortinnissaanut immikkut aningaasaliissutit 6 millioner koruunit savaatillit nuannaarutigaat, isumaqarlutilli aningaasat Aningaasanut Inatsimmi kukkusumik inissinneqarsimasut
Nunalerinermut siunnersuisoqatigiit marsip aallaqqaataani 2016, 37-issaa ataatsimiipput, tassanilu pingaarutillit arlallit sammivaat.
Ilaatigut immikkut aningaasaliissutit 6 millioner koruunit, Naalakkersuisut Inatsisartullu 2015-imut 2016-imullu Aningaasanut Inatsisikkut aningaasaliissutaat oqaluuserineqarput, taakkualu nunalerinermik inuussutissarsiornerup ineriartortinnissaanut naatsorsuussaapput, ilaatigut makkununnga:
1. Uumasuusiviit nutarsarneqarnerannut iluarsaanneqarnerannullu, naqqi ilanngullugit
2. Savanik piaqqiortunik pissarsinissamut
3. Narsaatini aqqusernit tallinissaannut narsaatinilui illut naatitsiviit allinissaannut
4. Nukissap mingutsitsinngitsup atorneqarnerata annertusarnissaanut
5. Imerterivinnik amerlanerusunik pisinissamut
Aningaasaliissuteqarnissaq ajornakusoortoq
Aningaasalli taakkua 6 millioner koruunit aningaasanut inatsimmi kontumut eqartorujussuarmut inissinneqarsimammata pineqartunut aningaasaliissuteqarnissaq savaatilinnut ajornakusoorpoq.
– Aningaasanut Naalakkersuisoqarfiup immikkut aningaasaliissutit 6 millioner koruunit ESU-puljemut inissisimavai, taamaasillunilu aningaasat atorfissaannut qinnutiginissaat ajornakusoorpoq. Puljemi tassaniimmata taamaallaat assersuutigalugu maskiinanut uumasuusiviillu allinoissaannut qinnuteqartoqarsinnaavoq, savat ivigartortarfii allisarniarlugit narsaatit allinissaannut imaluunniit narsaatini aqqusernit tallinissaannut qinnuteqarsinnaarusukkaluaratta.
– Tamatumunngali periarfissaqanngilagut, pissutigalugu inatsit killissaliimmat aningaasat sumut atorneqassanersut, nunalerinermut siunnersuisoqatigiit siulittaasuat Niels Lund oqarpoq.
Oqaluttuaq tamaat Sermitsiami nutaami atuaruk, taannalu pisiarisinnaavat uani: