Skip to main content

Nunalerinermik inuussutissarsiuteqarneq ajornakusoortoq

Qaasuitsup Kommuniani nunalerineq pillugu aallarnisaasut siunnersorneqartarnerat amigaataavoq

Qaasuitsup Kommuniani innuttaasut amerliartuinnartut akornanni, naatsiianik naatitanillu naatitsisarneq, ukiuni kingullerni soqutigineqaleraluttuinnarpoq. Amerliartuinnartut annikitsumik naatitsinermik ingerlataqartalerput. 

Misileraanerillu assigiinngitsut ingerlanneqartareersullu, paasinarsivoq, naatsiiat Avannaani naatinneqarsinnaalluartut. Illoqarfinni nunaqarfinnilu naatsiianik pilersorneqarneq ilaatigut ajornartorsiutaasarmat, naatsiiat naatinneqartartut amerlassusaat killeqaraluaqisoq piuneqarluartarput.

Søren Kristiansen, Qeqertarsuarmiu, ukiuni arlariinngortuni Kangerlummi naatsiianik misileraalluni iluatsittumik naatitsinermik ingerlataqarpoq. Maannakkullu pilersaarutigilerpaa nunalerinermik annertunerusumik ingerlataqalernissi, ilaatigut aasaanerani pisiniarfinnik pilersuisinnaanissaq eqqarsaatigineqarluni.

Aammattaaq Ole Abrahamsen, Attormiu, ukiuni arlalinni naatsiianik naatitsisareerpoq. Taassumattaaq nunalerinermik annertunerusumk ingerlataqalernissani pilersaarutigaa. 

Nunalerinermilli aallarnisaasutut soqutigisaqartut ajornartorsiuteqarput, tassami maskiinanik nunamik assallatserutaasinnaasunik pigisaqanngillat, akerlianilli atortut, soorlu nivaattat assallatserutillu tigummiaannartakkat kisiisa pigisaraat.

Naak ukiuni kingullerni nunalerinermik aamma naatitanik imminut pilersorsinnaanermut soqutiginnineq annertusiartuinnaraluartoq, Qaasuitsup Kommuniata, nunalerisutut namminersorlutik aallartinniartunut siunnersuisinnaanera ikiuussinnaaneralu killeqartorujussuuvoq. Kommunimi nunalerineq inuussutissarsiutitut ingerlanneqanngilaq, aammalu aalisarneq aamma piniarneq annertunerusumik ilisimasaqarfigineqarput.

Allaaserineqartoq tamaat Tamanut Avannaanimi atuarneqarsinnaavoq. Aviisi akeqanngitsumik ataani aaneqarsinnaavoq:

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER