Skip to main content

Nunagisami sulinngiffeqarneq: Atugassanik pisiniarfiit isaatitsilluartut

Takornariartitsinermik ingerlataqartut coronap ajornartorsiortitsineranit sakkortuumik eqqugaasimasut, innuttaasut amerlanersaasa Kalaallit Nunaanni sulinngiffeqarniarlutik aalajangersimanerat pissutigalugu nunami atugassanik pisiniarfiit immikkut illuinnartumik inissisimapput.

Brugsenimi tuniniaanermi pisortaq pisortallu tullia ilisimatitsivoq, brugsenip pisiniarfiutaasa juulip qaammataani kaaviiaartitaat siorna piffisap taamaalineranut sanilliullugu 15 aamma 30 procentit akornanni qaffariarsimasut.

- Pisiniarfiutivut tamarmik kaaviiaartitaqarnerulersimapput. Tamanna pitsaalluinnarpoq. Ullorissap anaanit eqqorneqanngikkutta allatulluunniit naatsorsuutigineqanngitsumik pisoqanngippat, juulip qaammataani matumani kaaviiaartitatigut rekortiilinnissarput ilimanarluinnarpoq, Jes Nyborg Sermitsiaq.AG-mut ilisimatitsivoq.

Illoqarfik takornariaqarnerpaasartoq ingerlalluartoq

Taassuma nassuiaatigaa, nunanit allanit takornariaqannginneranit Brugsenip pisiniarfii immikkut eqqugaasimanngitsut.

- Takornariat nunanit allaneersut kaaviiaartitatsinnut sunniuteqanngisaannarput, taakkumi nalinginnaasumik postkortinik sodavandinilluunniit pisiaqartaramik. Illoqarfimmiluunniit takornariaqarnerpaasartumi Ilulissani, takornariat nunanit allaneersut ikileriarsimanernnik eqqugaasimasumi, pisiniarfiuterput nutaaq siorna apriilip qaammataani ammartoq pitsaalluinnartumik kaaviiaartitaqarsimavoq, tuniniaanermi pisortaq erseqqissaavoq.

Taassuma pitsaalluinnartumik siuariartoqarsimaneranut nassuiaatissatuarinerarpaa: Nunagisami sulinngiffeqarneq Kalaallit Nunaannut pitsaalluinnartumik sunniuteqarsimasoq, innuttaasummi najukkaminni Kalaallilluunniit Nunaanni sumiiffinni allani aasaanerani sulinngiffeqarnissamik aalajangersimanerat Nunatta Karsianut ilungersunartorsiortumut iluaqutaasimavoq.

Naammattunik nioqqutissaateqartut

Coronap tuniluunnera Nuummut anngummat, aamma oqartussat akunnittarfinnik neriniartarfinnillu matusimmata immikkut ittumik pisiniartoqarluarsimavoq.

- Martsip qaammataani isaatitsilluarsimavugut, nioqqutissat ilaannik unammillernartorsiorsimalluta. Pingaartumik Qinngutsinni pisiniarfiuterput pisiniarusulluinnartunit unammillernartorsiortitsisimavoq, nioqqutissanilli amigaateqanngisaannarsimavugut. Taamaallaat piffissami sivikitsumi atasinnaasut, soorlu naatitat paarmallu amigaataalersarsimapput, Jes Nyborg ilisimatitsivoq.

Pisiffik uppernarsaasoq

Pisiffimmi pisortap Per Steen Larsenip oqaatigaa, Pisiffiup pisiniarfiutaanni aamma taamatut kaaviiaartitaqarnerulertoqarlunilu pisiniartoqarnerusimasoq. Taassumali kaaviiaartitaqarnerulernermi il. il. kisitsisit immikkut oqaaseqarfigerusunngilai.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER