Nuna tamakkerlugu maajip aallaqqaataa nalliuttorsiutigineqassaaq
Sulinermik inuussutissarsiortut ulluanni SIK-p erfalasut aappalaartut qullaqqaniarpai.
Annonse
Nuna tamakkerlugu SIK-p immikkoortoqarfiisa Sulinermik Inuussutissarsiuteqartut ulluat malunnartinniarpaat.
Nuummi tamanna nalunaaqutaq 13.00 Katersortarfimmi pissaaq. Tassani SIK-p immikkoortoqarfianit, perorsaasut kattuffiannit, NPK-mit kiisalu SIK-p kattuffiup qitiusumik immikkoortpqarfiani oqalugiartoqassaaq.
SIK-p siulittaasuata, Jess G. Berthelsenip, qinersinerup kingorna partiit saamerliit, Siumut aamma Inuit Ataqatigiit naalakkersuisoqatigiileqqinnissaannik kaammattorpai. Oqariartuut tamanna uteqqinneqarnissaa qularnanngilaq.
Sulinermik inuussutissarsiuteqartut oqalugiaateqareerpata Kommuneqarfik Sermersuumi borgmesteri, Asii Chemnitz Narup, partiillu arfineq-marluk minutsini pingasuni oqalugiarnissamut periarfissinneqassapput.