Katersuiniarneq
Nuna tamakkerlugu katersuiniarnermi piareersimasunut sianerfissat
NAKUUSA-p unnugu katersuiniarneranut atatillugu piareersimasunut allannissamut imaluunniit sianernissamut periarfissaqarpoq.
Nuna tamakkerlugu katersuiniarneq KNR-TV-ikkut aallakaatinneqalerpat, oqarasuaatini piareersimasut aamma MIO-p SMS-ertarfia unnugu ammassapput.
Nuna tamakkerlugu katersuiniarnermi katersorneqartut meeqqat kinguaassiuutitigut atornerlunneqannginnissaannut illersuinermut suliniutinut atorneqassapput.
Misilittakkat naapertorlugit sammisami taama ittumi tusagassiuutitigut eqqartuineq, attortissimasut oqaloqateqarnissaminnik pisariaqartitsilernerannik kinguneqarsinnaasarpoq.
- Katersuiniarneq isiginnaarutikkut isiginnaartunut amerlasoorpassuarnut misigissutsinik attuisinnaasorujussuuvoq, NAKUUSA tusagassiuutinut nalunaarummi allappoq.
Ilaat immaqa aamma siullermeerlutik ikiorneqarnissamut qinnuteqarnissamut saperunnaarsinnaapput.
Taamaammat ukunani piareersimasut attavigineqarnissaat periarfissaavoq:
- MIOp meeqqanut inuusuttuaqqanullu sms-ikkut siunnersuisarfia: 1899 (tallimanngorpat 20-23 ammassaaq)
-
Meeqqat inuusuttuaqqallu sianerifigisinnaasaat: 134 (tallimanngorpat arfininngorpallu 19-22 ammassaaq
-
Inersimasunut oqaloqatiginnikkusuttunut: 146 (tallimanngorpat arfininngorpallu 19-22 ammassaaq)
-
Inersimasut kingunerlutitsisut: 141
Tamatuma saniatigut aamma kommunit attaveqarfigineqarnissaat periarfissaavoq (Faktaboks talerpiata tungaaniittoq takuuk)