Skip to main content

Nuna tamakkerlugu katersuiniarneq: 2.525.246,45 koruunit Neriuffimmut tunniunneqarput

Nappaassuarmut kræftimut akiuiniarnermut Neriuffiup nuna tamakkerlugu katersuiniarpoq arfininngormat

Neriuffiup kræftertunut ilaqutaannullu aningaasanik katersuiniarnera KNR-TV-kkut toqqaannartumik katersuiniartitsivoq arfininngormat. Katersuiniarneq Ilimmarfimmi ingerlanneqarpoq, ukioq kingullermiillu isertinneqartunit amerlanernik katersisoqarpoq. 

Katersuiniarnermimi  2.525.246,45 koruunit isertinneqarput, taakkulu Neriuffimmut tunniunneqarput. Katersuiniarneq ima oqariartuuteqarpoq: 'Kræfti unititsigu - tamanut eqquisarpoq'.

Kræftimik eqqorneqartut oqarasuaatikkut saaffiginnittarfissaannik pilersitsisoqarnissaanut aningaasat ilaatigut atorneqassapput. Taanna Tele Greenlandimit pilersinneqassaaq. 

Inuit 153-it kræftimik eqqorneqartut 2014-mi
Neriuffiup 2014-mi aningaasanik katersuiniartitsinerani  2.487.964 koruunit isertitnneqarput. Aningaasartuutit tamaasa akiliutigereerlugit 1,8 million koruunit Neriuffimmut taakku tunniunneqarput. 

Neriuffimmi siulittaasup Sara J. Brandtip katersuiniartitsisoqarnerani oqaatigaa kræfteqartunut 153-inut 500.000 koruunit missaat atorneqartut. Taakku nappaassuarmit 2014-mi eqqorneqarput, tamarmillu 3.000 koruuninik tunineqartut oqaatigaa. 

Kræfteqartunut siunnersuisarfimmik Realdania suleqatigalugu pilersitsisoqarnissaanut aamma Sara J. Brandtip oqaatigaa. 

Siunnersuisarfiup aallartisarneqarnissaanut Realdania 400.000 koruuninik aningaasartuuteqartoq ilisimatitsissutigineqarpoq. Dronning Ingridip Napparsimavissuani siunnersuisarfiup pilersinneqarnissaa naatsorsuutigineqarpoq, pilersinneqarneranullu aningaasartuutit affaat Realdaniarimit aamma aningaasalersorneqassaaq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER