Skip to main content

Nuna ikuallattoq: Naalakkersuisut Danmarkimut ikioqqupput

Sisimiut avannaata kangiani Kangerluarsuk Tullermi nunap ikuallannera sakkortuseqqippoq, nunarujussuarlu maanna ikuallalluni. Naalakkersuisut Danmarkimut saaffiginnipput.

Sapaatip-akunnerata matuma siorna Qeqqata Kommuniani qatserisartut ikuallattoq aqutamik ingerlatippaat. Kisianni ikuallannera nunap ikeratigut pivoq, tamatumalu ikuallattoq qamivinneqarnissaa ajornakusoortippaa.

Kisianni ikuallattoq ikummarisseqqippoq, Nunatsinni upalungaarsimanissamut ataatsimiititaliarsuaq Danmarkimut ikioqqunissaq pisariaqarsoraat.

Ikuallanneq juulip aallartinnerani kissarsuutip nuna panertoq ikummartimmagu aallartippoq. Kissarsuut nakkutigineqaraluarpoq, kisianni ikummasermat ikuallattoq siaruapallappoq.

Nunatsinni upalungaarsimanissamut ataatsimiititaliarsuaq sapaatip-akunnerata naanerani marloriarluni ataatsimiippoq. Namminersorlutik Oqartussat Danmarkimut saaffiginninnissaat taakku innerssuussutigaat.

- Nunatsinni Upalungaarsimaniarnermut ataatsimiitialiat tallimanngormat 9. august aamma ullumikkut sapaammi 11. august ataatsimiipput, Danmarkimiillu inunnik marlunnik ilisimasalinnik naliliiartortsitillutik taakkulu ippassaq tikereerlutik naliliipput qatserisartut 30-it Danmarkimiik ikiuukkiartortariaqartut, Namminersorlutik Oqartussat tusagassiuutinut nalunaarummi taama allapput.

Naalakkersuisut aalajangerput Upalungaarsimanissamut Ataatsimiititaliap innersuussutaa malinniarlugu, maannalu ikiorserneqarnissaq qinnutigalugu saaffiginnissut Namminersorlutik Oqartussaniit nassiunneqareerpoq, Namminersorlutik Oqartussat tusagassiuutinut nalunaarummi taama ilisimatitsipput.

Nakorsaaneq: Isersimasoqassaaq

Inuit attaveqaqatigiittarfiini assit arlallit ippassaq takuneqarsinnaapput, tassanilu pujoq Sisimiunut anngussimavoq.

Taamaattumillu nunap nakorsaanera innersuussuteqarniarluni aalajangerpoq. Pujoq innuttaasunut ulorianartorsiortitsinngitsoq nunap nakorsaanerata naqissuserpaa, kisianni inuit astmaqartut imaluunniit puammikkut nappaateqartut putsumit sunnerneqarsinnaapput.

- Pujoq annertooq inoqarfinnut anngutissagaluarpat inuit isersimanissaannik, igalaat matullu kiisalu silaannarissarfiit matullugit,  Nunatsinni Nakorsaaneqarfimmiit kaammattuutigineqarpoq, Nakorsaaneq tusagassiuutinut nalunaarummi taama oqarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER