Nuna Advokatini peqatigisaq nutaaq

Nuna Advokatip peqatigisaqalernermini nunatsinni inissisimanini nukittortippaa.

Juunip aallaqqaataani eqqartuussissuserisoq Helen Kibsgaard Nuna Advokaterini Nuummi peqatigineqalissaaq. Helen Kibsgaard eqqartuussissuserisutut ukiorpassuarni nunatsinni inuussutissarsiornikkut inatsiseqarnermik Nuna Advokatit suleqatigalugit suliaqarsimavoq. Aatsitassarsiornermik suliaqarnermi immikkut piginnaasaqartutut oqaatigineqarpoq, isumaqatigiissutinik suliaqarnermi aamma isumaqatiginninniarnermi, kiisalu Kalaallit Nunaanni unammilleqatigiinnermut inatsiseqarnermut ilisimasaqarluni.

- Taamaattumik nunatsinni pissutsinik ilisimasaqarluareerpoq, sullitatsinnilillu arlalinnit ilisimaneqarluareerpoq, Nuna Advokatini piginneqataasoq, Peter Schriver, tusagassiuutinut nalunaarummi taama allapoq.

- Helenip aamma inuussutissarsiornermi inatsiseqarnermut tunngasuni aamma ingerlatseqatigiiffiit inatsisaqarnerinut pissutsinut patajaatsumik siammasissumillu misilittagaqarpoq, nunani tamalaani isumaqatigiissutit, nassiussuinermut pissutsit, CSR, suliffeqarfinnik pisinermut tunisinermullu, due diligence processer pillugit kiisalu sanaqqiinernut tunngasut.

- Taamatuttaaq aamma allaffeqarfiup piginnaasaanik annertuumik nukittuisoqarpoq – ingammik kalaallinut inuussutissarsiortunut sullitatsinnut aammalu nunanit tamalaaneersunut sullitatsinnut Kalaallit Nunaanni sulianik ingerlatsisunut imaluunniit ingerlatserusuttunut.

Powered by Labrador CMS