Skip to main content

Nummerplade akitsuutitaqanngitsoq pilersinneqarpoq

Nummerplade immikkuullarissoq akitsuutitaqanngitsoq nunatsinni atuutilersinneqaqqammerpoq. Kisianni biiliutillit qilanaalinnginnerini, nummerplade pissarsiariniaraanni pissutsit immikkuullarilluinnartut atuunnerat ilisimatitsissutigissavarput.

Ukiut arlallit oqartussat peqatigalugit suliat ingerlareersut, nummerpladit akitsuutitaqanngitsut ukiamut atorneqarsinnaalissasut, Kalaallit Airports ilisimatitsipput. Qamutilli mittarfeqarfinniinnaq atorneqarsinnaassapput.

Nummerpladit nutaat sungaartuupput, aappaluttunillu ilisarnaateqarlutik. Naqinnerit marluk siulliit tassaapput UA, isumaqartut ‘’Uden Afgift’’. Nummerpladit ukiut arlallit Akileraartarnermut Aqutsisoqarfiup, Politiit Kalaallit Airportsillu suleqatigiinnerisa kinguneraat, qamutinut mittarfimmit ingerlaneq ajortunut aaqqiissuteqartoqarluni, tusagassiuutinut nalunaarummi tamanna ilisimatitsissutigineqarpoq.

- Pisortanik kinguneqarluartumik kinguneqartussamillu oqaloqateqartarsimavugut, taassumalu kingunerisimavaa, Kalaallit Nunaanni billit normuat sungaartoq siulleq: UA 10 000 maannakkut Kalaallit Nunaanni Politiit tigusimalermassuk. Siullerpaamik biilit normuisa ilassaat taanna Kalaallit Nunaanni eqqunneqarpoq, massa assingi nunarsuaq tamakkerlugu timmisartoqarfinni atorneqareersut. Biilit normui maannakkut Politiini piareerlutik pigineqarput, Kalaallit Nunaannut tikerarnerat malillugu timmisartoqarfiit qamutaataanni ikkunneqarnissaminnut piareerlutik, Morten T. Leth, Kalaallit Airportsimi suliniummik aqutsisuusoq taama oqaaseqarpoq.

Qamutit biilit normuinik nutaanik pilerneqarnissaat pillugu qinnuteqarnissamut atatillugu ingerlatseriaasissaq, Kalaallit Nunaanni Politiit, Akileraartarnermut Aqutsisoqarfiup aamma Kalaallit Airportsip akornanni isumaqatigiissutigineqarsimavoq.

Iluaqutit arlallit
Biilit taamaallaat timmisartoqarfiup iluani ingerlaartartut, biilit normuisa ilassaannik taamaattumik pilerneqarnissaannut iluaqutissat arlalissuupput. Matumani ilaatigut taaneqarsinnaapput, ingerlatsinermi pissutsit, taamatut qamutit ataasiakkaat suussuserneqarnissaat ajornannginnerulissaaq, tamannalu ulluinnarni pilersaarusiornermi atorneqartarpoq, kisianni aamma biilit suliaritinnissaannut naleqqiullugu. Taakkua saniatigut biilit normui, aamma timmisartoqarfiit qamutaataannik sillimmasiisarnermik oqilisaassapput, taamatullu qamutinik timmisartoqarfinnut attuumassutilinnik akileraarutinik akiliisussaajunnarnissamik qinnuteqarneq ajornannginnerulerluni.

Biilit aamma qamutit immikkut ittut biilit normuanik nutaamik taassuminnga pilerneqarsimasut, aqqusinerni tamanut ammasuni ingerlaaqqusaanngillat.

Biilit normuisa nutaat atornissaat pillugu Kalaallit Airports maannamut kisiartaalluni Politiinik aamma Akileraartarnermut Aqutsisoqarfimmik isumaqatigiissuteqarsimavoq. Kisianni suliffeqarfiit timmisartoqarfimmut attuumassuteqartut allat biilit normui taakku soqutigisinnaassagaat Morten T. Lethip takorloorsinnaavaa.

Mittarfeqarfiit saniatigut, assersuutigalugu imaassinnaavoq ingerlatseqatigiiffik, nammineq qamutiminik taamaallaat timmisartoqarfimmi ingerlaartartunik pisariaqartitsisut, oqarpoq nangillunilu:

- Soorunami suliffeqarfiit nammineq aalajangissavaat periarfissanik misissuiniarlutik Akileraartarnermut Aqutsisoqarfimmik aamma Politiinik atassuteqarnissartik.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER