Skip to main content

Nukittuneqqusaattartut kattuffimmik pilersitsipput

Kattuffinngorlaap Kalaallit Nunaanni Timersortartut Kattuffiannut ilaasortanngornissartik suliarissarilerpaat.

Nukittuneqqusaattut siunissami pisortatigoortumik Nunatsinni pissartanngorniuttalersinnaapput.

Nukittuneqqusaattartummi kattuffimmik pilersitseqqammerput, kattuffik Greenland Federation of Strength Athletes - GFSA-mik atserpaat. Taanna januaarip 17-ani pilersinneqarpoq, Napaartoq Hansen siulittaasutut toqqarneqarluni.

- Kattuffiup pilersinnissaa sivisuumik sulissutigereerlugu pilersipparput. Nukittuneqqusaattartut ataatsimoorfigisinnaasaat amigaataavoq, taamaattumik kattuffik pilersipparput, siulittaasunngortoq Sermitsiaq.AG-mut oqarpoq.

Nunani tamalaani unammersuaarnerit

Pisortatigoortumik Nunatsinni pissartanngorniuttalernissaat anguniagaasoq oqarpoq.

- Timersuut ukiuni kingullerni pingasuni Kalaallit Nunaanni aamma nunani tamalaani soqutigineqaleraluttuinnarpoq. Nukkassartartut Nunatsinneersut nunani allani maluginiarneqarnerulernissaat anguniagaraarput. 'Arnold Strongman Classic'-imi aamma 'World Strongest Man'-imi Nunatsinneersunit peqataasoqartalernissaa takorluugaraarput, Napaartoq Hansen oqarpoq.

Kattuffinngorlaap Kalaallit Nunaanni Timersortartut Kattuffiat ilaasortanngornissamik suli qinnuteqarfiginngilaat.

- TImersuutitut pimoorussisutut saqqummerusuppugut, taamaammat GIF-ip ataaniilerusuppugut. Aasartinnagu GIF-imut qinnuteqassaagut, Napaartoq Hansen oqarpoq.

Piumasaqaatit

GIF-imut ilaasortanngonissamut suliassat suut suliarineqartarnersut Timersoqatigiit Kattuffianni pisortaq Jonas Jensen Sermitsiaq.AG-mit aperineqarpoq.

- Siullermik nuannerpoq takullugu timersoqatigiiffiit ineriartornissamik anguniagaqartut amerlatsikkiartormata. Soqutigisat aallaavigalugit timersornerup tungaatigut ineriartortitserusuttunik takulluni nuannertuaannarpoq, Sermitsiaq.AG-mut oqarpoq.

- Piumasaqaatit arlallit anguneqaqqaartariaqarput GIF-imut ilaasortanngussagaanni. Kattuffiit, peqatigiiffiit, suliffeqarfiit inuillu ataasiakkaat ilaasortanngorsinnaapput. Timersoqatigiiffiit ilaasortanngorusuttut ukiuni arlalinni ataavartumik sulilluarsimanertik takutissinnaasariaqarpaat ilaasortanngussagunik. Timersuut soqutigineqarluartariaqarpoq, illoqarfinni assigiinngitsunit kattuffimmut ikinnerpaamik ilaasortaqartariaqarpoq, Jonas Jensen oqarpoq.

GIF-imi aallartitat novembarimi ataatsimiikkaangata qinnuteqaatit suliarineqartarput, siulersuisut  innersuussuteqarnerisigut.

Kalaallit Nunaanni TImersoqatigiit Kattuffiat qulingiluanik ilaasortaqarpoq

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER