Skip to main content

Nukissorfiit Nuummi imermut tunngatillugu suliaqarput

Aggustip qaammataa naalersorli Nuumi innuttaasut imeq tipinnerarlugu mamaannerarlugulu naammagittaalliulersimapput. Nukissiorfinni ajornartorsiut aaqqiiffiginiarlugu sapinngisamik ulapittoqarpoq, oqaatigeqqinneqarporlu imeq uloriananngitsoq.

Hans Rowedder, Nuummi Nukissiorfiit immikkoortortaqarfianni pisortaasoq oqaluttuarpoq, erngup tipinneranut mamaanneranullu pissutsit arlallit pissutaasut.

- Aasaq taseq imeqarfiusoq annertoorujussuarmik kiassimavoq, taserlu imeqarfiusoq seqinermit toqqaannartumik qinngorfigineqartarsimalluni. Tamanna aamma 2014-imi atuussimavoq, taamanikkut aamma tamatuma sooq erngup mamaanut tipinneranullu sunniuteqarsimanera eqqortumik oqaatigineqarsinnaasimanngilaq, taanna oqarpoq.

Immikkoortortaqarfimmi pisortap erseqqissaatigaa, tatsimut imeqarfiusumut avataanit tussimasut ajornartorsiummut pissutaaqataasinnaasut.

- Naajat tatsillu imeqarfiusup eqqaani qimmininik aneerussisarnerup nassataannik, taseq imeqarfiusoq kissaatiginngisatsinnik imaqalersinnaavoq. Erngup kissarneranut tamakku ilanngukkaanni, imeq aalisagarsunnilerluniluunniit saviminersunnilersinnaavoq, taanna oqarpoq.

Suliniutit assigiinngitsut suliarineqartut

Taamaammat ajornartorsiut aaqqiiffiginiarlugu Nukissiorfinni assigiinngitsunik suliniuteqartoqarpoq. Maannakkorpiaq immikkut klorilersuisoqarpoq, erngup aqqutaanik saliisarneq annertusineqarpoq aamma imeqarfimmi sioraaviiaat ullut tamaasa salinneqartarput, nalinginnaasumik sapaatip akunnera allortarlugu saliisoqartaraluartoq.

- Sapaatip akunnerani matumani aqqartartumik tatsip imeqarfiusup naqqanukartitsissaagut, tassani paasiniarlugu tatsip naqqanut kivisimasut qanoq annertutiginersut, taakkumi tasermit imeqarfiusumit erngup aqqutaanut pulasarmata, pisortaq oqarpoq.

Hans Rowedderip nassuitaatigaa, taamaattoqassappat taakku ima annikitsigissasut imeqarfimmi nassaarineqarsinnaassanatik, aamma naatsorsuutiginngikkitsit taakku ajornartorsiummut pissutaassasut. Imeq tipippallaarunnaalerlunilu mamaappallaarunnaalerpoq, sulili pitsannguvinngilaq.

- Qujanartumik ajoqutaa annikilliartorpoq, tunisassiarpulli pitsaanerpaatikkusupparput, taamaammat erngup pitsaassusaata pitsaanerulersinneqarnissaa suli sulissutigaarput, taanna oqarpoq.

Misissukkat kusanartut

Imermik misissueqqissaarsimanerup kingulliup takutippaa, uumassusilinneersunik akoqarnera liiterimut 0,52mg-iusoq, akuisa annertussusissaattut killissarititaavoq liiterimut 4mg.

- Tassa imeq taakkunannga akoqarpallaanngilaq, tamannalu pitsaasuuvoq, Hans Rowedder allappoq.

Illoqarfimmi innuttaasut imeqarnermut tunngatillugu akisussaaffimmik tigusillutik ikiuussinnaapput, immikkoortortaqarfimmi pisortaq oqarpoq.

- Naaja tatsimut imeqarfiusumut pinaveersaartinneqarnissaat ajornarpoq, inunulli qimmiminnik aneerussisartunut kaammatuutigerusupparput, imeqarfiup killeqarfiata iluanut isernaveersaarnissaq.

Erngup tipittarnera Nuummi kisimi ajornartorsiutaanngilaq, aamma Danmarkimi nunarsuarmilu sumiiffinni allani ajornartorsiutaavoq, Hans Rowedder erseqqissaavoq. 

Nukissiorfiit piffissami sivisunerusumi atuuttussamik aaqqissutissarsiorlutik suliaqarput, taanna oqaluttuarpoq.

Atuarfiit, paaqqinnittarfiit, AKO-llu matoqqasut nalunaarsorneri

Piffissap kingulliup ingerlanerani illoqarfimmi atuarfiit, paaqqinnittarfiit AKO-llu tuniluuttoqarnera peqqutigalugu matusariaqarsimapput. Taamaammallu meeqqat angerlarsimasussanngorlutik...

Aqqusineq Illerngit 2001 matoqqasimanissaa sivitsorpoq

Kalaallit Airports siusinnerusukkut nalunaarutiginikuugaluarpaat aqqusineq Illerngit 2001 oktobarip aallaqqaatani 2021-mi ammaqqittussaasoq. Taannali novembarip aallaqqaataanut...

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

Seneste Ugeavis

SENESTE NUUK - NYHEDER