Skip to main content

Nukissiorfiit: Softwarerobottip ulluni arlalinni suliassat akunneq ataaseq suliarai

Nukissiorfiit qullersaqarfianni sulisut robottimik suleqatitaarput. Imaanngilaq robottitut isikkoqartoq, kisianni softwarerobotiulluni. Robotti nalinginnaasunik periutsinik suliassanillu ikiuisarpoq.

Roboti allaffissornermi atuutilereerpoq siulliit suliassat nalinginnaasut misilittareerlugit suliarisinnaallualeramigit. Pilersaarutaavoq allaffissornermi assigiinngitsorpassuartigut ikiorsiisarnissaa.

- Takusinnaalereerparput atorluarsinnaasoq angusaqarluartartorlu. Soorlu assersuutitut taasinnaavara softwarerobottip nal. akunnera ataaseq pallillugu kontoudskriftit untrilikkaat arlallit anillatsereerlugit tigusisussanut nassiussuuppai. "Qanga" tamakku ulluni arlalinni suliarineqartarput, Niels t. Kronholm oqaluttuarpoq.

Sulisunut sioorananngitsoq

Aammattaaq Nukissiorfinni aningaasaqarnermut pisortaq, Claus Andersen-Aagaard, qaammatit arlalinnguit ingerlanerinnaanni angusat erseqqarissut pillugit pikkuginnippoq, taassuma softwarerobotti sulisunut unammillertaannginnissaa neriorsuutigaa.

- Amerlasuut isumaqarput robotti sulisunut unammilersutut siooranartuusoq. Tamanna kukkunerulluinnarpoq uagullu anguniakkatsinnut akerliulluinnarluni. Illuatungaatigut robottipallaffissornermi nal. akunnerinik suliffiusunik arlalinnik periarfissiivoq, tamatumuunakkut uagut pitsaassutsitta qaffassarnissaanut periarfissilluta. Aamma sulisut piffissaq sulinermut atugartik allanik pissanganarnerusunut suliassanut atorsinnaalissavaat, Claus Andersen-Aagaard oqaluttuarpoq.

Ingerlatseqatigiiffik naapertorlugu, ​​​​​​​softwarerobottip nutaap Nukissiorfiit sulisui suliassaannik allanik pissanganartunillu suliassaqalersippai.

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER