Nukissiorfiit: Innaallagiaq pisariaqanngitsumik atornaveersaarneqarli
Pilersuisutut ingerlatseqatigiiffik sisamanngornermi ullup-qeqqata siornatigut Nuummi innuttaasunut pisariaqanngitsumik innaallagissamik atuinaveersaarnissaq pillugu kaammattuivoq.
Nukissiorfinnit Nuummi innuttaasut tamaasa piumaffigineqarput, sisamanngornermi ullup-qeqqat siornatigut pisariaqanngitsumik innaallagissamik atuinaveersaaqqullugit. Tamatumunnga pissutaavoq, ingerlatseqatigiiffiup innaallagissiorfittut sillimmatigineqartumik aallartitsiniarnera.
Nukissorfinni nukissiuuteqarnermut pisortaq Kasper Mondrup Sermitsiaq.AG-mut oqarpoq, pisariaqanngitsumik innaallagissamik atuinerit, assersuutigalugu tassaasut maskina erruissut imaluunniit errosiviit juullimilu qaammaqqutit.
Taassuma erseqqissaassutigaa, atuarfiit suliffeqarfiilluunniit matuneqarnissaat matumani pineqanngitsoq, innuttaasulli innaallagissamik asuli atuinngippata, Nukissiorfiit illoqarfiup sarfaqaleqqinnissaanik suliaqarnerannut iluaqutaassasoq.
Pisortap oqaatigaa, inuit attaveqaqatigiittarfiisigut allaaserineqartartoq Nukissiorfiit innaallagissamik qamitseqqinnissamik pilersaaruteqartut. Pisortalli tamanna ilumuunnginnerarpaa.
NutaarsiassatDMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...