Skip to main content

Nukissiorfiit: Erngup ajoqquteqarunnaarnissaa isumalluarfigaarput

Uummannami imeq pillugu Nukissiorfiit innuttaasunik ataatsimiititseqqipput 

Sullittakkat imermik pajunneqartartunit 109-usunit 64-it nakkutilliisutut oqartussanit akuerineqarput imeq imerneqartussatut atorsinnaagaat, Nukissiorfiit innuttaasunik ataatsimiititsineranni nalunaarutigineqarpoq.

Imermik pajuttuisarneq sapaatit akunneranni tulliuttumi nalinginnaasunngussoq nalunaarutigineqarlunittaaq.

– Assut ilungersorluta erngup nalinginnaasunngortinneqarnissaa anguniarlugu sulivugut, nunap immikkoortuani pisortaq Lars Hoffmeyer oqarpoq, taanna nunap immikkoortuani pisortaq Kjell Bergmann aamma imermik immikkut ilisimasalik Kenneth Larsen peqatigalugit ataatsimiigiartut apeqqutiginiagaannik ilaatigut akissuteqarput.

Pitsanngoriartorpoq

Uummannami imeq qaqagu iluarsissanersoq innuttaasunit ilaatigut apeqqutigineqarpoq.

- Misissukkat inernerisa takutippaat malunnaateqarluartumik pitsanngoriartortoqartoq imermik kuutsitsilluni errortuinerit amerlasuut kingunerisaannik, naak suliaq tamanna pisariugaluaqisoq, nassuiaatigineqarpoq.

Lars Hoffmeyerip nunap assinga takutippaa tassanilu takuneqarsinnaavoq sumiiffinni qanoq amerlatigisuni misissugassat misissorneqartut tulleriiaartumik ajunngitsumik inerneqarsimanera.

– Nakkutilliisutut oqartussaasut taakkua tassaapput akuersissuteqartartut, erngup imerneqartussatut atorneqarsinnaaneranut kisianni isumalluarpugut, tassami misissukkat inerneri pitsaasuummata, Lars Hoffmeyer oqarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER