Nukissiorfiit serlersaariffigineqarsimasut
Nukissiorfinnit marlunngormat paasineqarsimavoq, Nuummi erngup aqqutaani 14-inik putoqartoq. Aserorterilluni putoorisoqarsimanissaa ilimagineqarpoq.
Nuummi innuttaasut sapaatip akunnerani kingullermi ippassarlu marlunngornermi sumiiffinni arlalinni erngup aqqutaasigut "tissaluttoqartoq" takusinnaasimavaat. Imeq tissaluttoq erngup aqqutaaneersuuvoq, tassa Nukissiorfiit utaqqiisaasumik erngup aqqutaa pilersissimavaat, siorna aasakkut Nuup illoqarfiani imermit imerneqartussami persaqutaasimasut akiorniarlugit, erngullu utaqqiissaasumik aqqutaani 14-inik putoqartoq sulisut marlunngormat paasisimavaat.
Erngup aqqutaa Nuup illoqarfiata imermik pilersorneqarneranut ilaasoq
- Assorsuaq serlersaarisoqarsimanera uggornarpoq. Suna tamaat iliuserisinnaasarput atorlugu sullittakkavut imermik imerneqartussamik minguitsumik pilersorniarpavut, Kenneth Nyland, teknikeqarnermut pisortaq oqarpoq.
Sapaatit akunneranni kingullermi aammattaaq Nukissiorfiit misigaat erngup aqqutaata putuneqarsimanera, taamanikkut sulisut putunik ilaartuinertik iluatsippaat.
Serlersaarisimaneq maannakkorpiaq pilersuinermut sunniuteqanngilaq, kisianni tamanna ingerlaannassappat imermik imerneqartussamik ajunngitsumik pilersuinermi ajornartorsiuteqalertoqarsinnaavoq.
Mange ressourcer på at udbedre skader
Kenneth Nylandip erseqqissaassutigaa, serlersaarisoqaraangat Nukissiorfinnut immikkut ittumik unamminartartoq, ajornerpaamillu pisoqarnerani sumiiffimmi pineqartumi imermik pilersuiniarneq ajornarsisartoq.
- Inuit sakkortuumik qinnuigaakka Nukissiorfiit atortuinik mianerinnittaqqullugit. Ajornerpaamimmi pisoqassappat qularnaatsumik pilersuineq akornuserneqarsinnaavoq. Tamatuma saniatigut serlersaarneqarsimasunik iluarsaassinermut sulisorpassuarnut aningaasat atortariaqartarpavut, sulisunut aningaasat atukkat allani pitsaanerusumik atorneqarsinnaagaluartut, Kenneth Nyland oqarpoq.
Nukissiorfiit Sermitsiaq.AG-mut ilisimatitsissutigaat, serlersaarisimaneq politiinut nalunaarutigineqarsimasoq.
NutaarsiassatDMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...