Nukissiorfiit pisortaanerat ingerlaannartumik soraartoq

Nukissiorfiit pisortaanerat Michael Pedersen pisortaanertut ingerlaannartumik soraarpoq.

Michael Pedersen har indgået en såkaldt "hold-mund-aftale" med Selvstyret, så offentligheden ikke kan få at vide, hvorfor han har indgået en fratrædelsesaftale.

Naalakkersuisut ataasinngormat unnukkut naatsumik nalunaarutigaat, Nukissiorfiit pisortaanerat, Michael Pedersen, isumaqatigiissuteqarnikkut soraartoq.

Michael Pedersenip ulloq kingulleq suliffigisaa tassaavoq septembarip 30-at.

- Sooraarnermut atatillugu isumaqatigiissutip sukumiisortai erseqqinnerusut isertuussassaasut, nalunaarummi allassimavoq.

Innuttaasut taamaalillutik paasitinneqanngillat, Uummannami imermut tunngatillugu ajornartorsiutit ataasinngormat ingerlatseqatigiiffimmut ajorluinnartumik kinguneqartut isumagineqarsimanerat soraarnissamik isumaqatigiissuteqarsimanermut pissutaanersut.

Nukissiorfiit sapaatiummat nalunaaarutigaat, illoqarfimmi imeq imeqarfimmeersoq imerneqaqqissinnaanngortoq. Aqanguanili ataasinngorneq ualisoq nalunaarutigineqarpoq, aalajangiussaq avatangiisinut oqartussanit tunuartinneqartoq.

Aningaasaqarnermut pisortaq Claus Andersen-Aagaard nukissiorfinni pisortaagallartussatut inissinneqartoq, Naalakkersuisunit nalunaarutigineqarpoq.

Pisortat taamaalillutik pingasuniit marlunnut ikilipput. Claus Andersen-Aagaardip saniatigut Kenneth Nyland teknikkeqarfimmi p pisortatut atorfinitsinneqarpoq.

Michael Pedersen 1996-imili Nuummi najugaqarpoq, 2014-imilu maajip qaammataani Nukissiorfinni pisortaagallartussatut atorfinitsinneqarnissami tungaanut Avatangiisinut Pinngortitamullu Naalakkersuisoqarfimmi Pinngortitamut Silallu pissusianut Immikkoortortaqarfimmi pisortaasimalluni.

2015-imi maajip 23-ani pisortaaninngortinneqarpoq, ukiullu sisamat sinnerlugit pisortaanertut sulisimalluni.

Nukissiorfiit pilersuisutut akisussaaffigaat, Kalaallit Nunaanni atuisut amerlanersaannut innaallagissamik, imermik kiassarnermillu pilersorneqarnissaat. Nukissiorfiit illoqarfinnut 17-inut nunaqarfinnullu 53-imut pilersuisussaatitaapput.

2018-imut naatsorsuutini takuneqarsinnaavoq, pilersuiffimmi qaammammusialinnik nalunaaqquttallu akunnermusialinnik, ulloq naalluugu sulisartut 388-it amerlaqqataannik, sulisoqartoq.

Powered by Labrador CMS