Nukissiorfiit kiassaatit pumpemik ingerlasut inassutiginngilaat - suli
Nukissiorfiit nalilersimavaat, illoqarfinni erngup nukinganik innaallagissiorfeqartuni kissassutsimut nalimmassaatinut (varmepumper) sanilliullugu elektrokedelimik (innaallagissamik kiassarneq qaminneqarsinnaasoq) atuineq avatangiisinut mingutsitsinnginnerussasoq. Ingerlatseqatigiiffimmilli kissassutsimut nalimmassaatit nunami sumiiffiit ilaanni atorneqarsinnaanersut misissorneqarniarpoq.
Naalakkersuisut innuttaasut kissarsuutinik uuliatortunik pigisaqartut kissassutsimut nalimmassaatinik taarsiinissaannut periarfissinniarlugit tapiiffiginiarlugilluunniit pilersaaruteqarpat? Inatsisartuni ilaasortap Asii Chemnitz Narupip (IA) tamanna paaserusuppaa.
Nukissiuuteqarnermulli naalakkersuisoq Kalistat Lund (IA) naapertorlugu tamanna imaaliinnarlugu anguneqarsinnaanngilaq.
Kalistat Lundip oqaatigaa, kissassutsimut nalimmassaatit taamaallaat, soorlu erngup nukinganik innaallagissiorfimmiit sarfamik mingoqanngitsumik innaallagissersomeqarlutik ingerlanneqarunik avatangiisinut mingutsitsinnginnginnerusarput.
- Kissassutsimut nalimmassaatit Kalaallit Nunaata silaannartaani, pingaartumillu ukiuunerani kiassarnermik pisariaqartitsiffiunerpaasumi pisinnaasaasa annikinnerunerat tamatumunnga peqqutaavoq. Tamanna pissutigalugu kissassutsimut nalimmassaatit qaqutiguinnaq inoqutigiit kiassamermut pisariaqartitaannik tamarmiusunik pilersuisinnaapput, taamaattumillu nukissiutit allat atorlugit tunngaviusumik pilersuisoqarnissaa tamatigut pisariaqartinneqartartussaalluni.
Misissuisoqartoq
- Taamaalilluni kissassutsimut nalimmassaatit ukiuunerani pisariaqartitsinermut naammattunngorlugit annertussusilerneqassappata imaluunniit tamatuma saniatigut atortulersuummik allamik, soorlu elektrokedelimik (innaallagissamik kiassarneq qaminneqarsinnaasoq) tapertaqartitsisoqassappat aningaasaliissutit annertuujusussaapput, Kalistat Lundip Asii Chemnitz Narupimut akissutaani allassimavoq.
Nukissiorfinniilli aasaanerani emgup nukinganik killilimmik isumalluuteqarfiusuni aammalu kissarnerusumik silaannaqartuni, kissassutsimut nalimmassaatit erngup nukinganik innaallagissiamik atuiffiusinnaasuni tapertarineqarsinnaanersut misissorneqarpoq:
- Illoqarfinni aasaanerani emgup nukinganik killilimmik isumalluuteqarfiusuni aammalu kissamerusumik silaannaqartuni, kissassutsimut nalimmassaatit erngup nukinganik innaallagissiamik atuiffiusinnaasuni tapertarineqarsinnaanersut Nukissiorfinnit misissuiffigineqarpoq, Naalakkersuisoq allappoq.
Naalakkersuisup akissuteqaammini erseqqissaassutigaa, Naalakkersuisuniit maannarpiaq mingutsitsinngitsunut allannguisarnerit amerlisarniarlugit suliniutissat assigiinngitsut misissuiffigineqartut, kiisalu qanoq iliorluni aningaasalersuisoqarlunilu tulleriiaarisoqassanersoq. Maannarpiaq Utoqqarmiut Kangerluarsunnguanni innaallagissiorfimmiit erngup nukinganik pilersuinerup annertusitinneqarnissaa aamma Qasigiannguani Aasiannilu erngup nukinganik innaallagissiorfiliortoqamissaa sulissutigineqarpoq.