Skip to main content

Nukissiorfiit kaammattuivoq: Uummannami imeq sipaarlugu

Uummannami innuttaasut imermik atuinaveersaassapput, atussagunikkulu qalatitseqqaassallutik, Nukissiorfiit ilisimatitsivoq.

Imermik pilersuinermi ingerlatsinerup akornuteqaqattaarnera pissutigalugu Uummannami tasermut pilersuinermi sillimmatigineqartumut atassusiisoqarpoq. Tatsimili tassani erngup pitsaassusaa naammaginarnersoq uppernarsarneqarsinnaanngilaq.

Nukissiorfiit Uummannami innuttaasut imermik atuivallaannginnissaat, atuissagunilli qalatitseqqaartarnissaat, Nukissiorfiit kaammattuutigaat.

- Allamik nalunaaruteqartoqartinnagu innuttaasut qinnuigineqarput sapinngisamik imermik annikinnerpaamik atueqqullugit aammattaaq qalaasseqqusineq 20. marsimeersoq maleqqullugu, Nukissiorfiit tusagassiutinut nalunaaruteqarluni allappoq.

Nukissiorfiit ilisimatitsivoq Uummannami imermik pilersuinermi ajoqutaasoq iluarsiniarlugu suliaqarneq suli ulapputigineqartoq, nalinginnaasumillu pilersuinerup piaartumik pilerseqqinneqarnissaa neriuutigineqarluni.

- Nukissiorfinnit sullittakkagut ingerlaavartumik qanoq ineriartortoqarnera pillugu malinnaatissavagut.

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER