Nukik politiit Qaqortumi sulinerannut nukittorsaassaaq
Kalaallit Nunaanni Politiit angallatitaavisa sisamaasut ilaat ataaseq Qaqortumi pingasunngornermi atserneqarpoq, maannalu aallariaannanngorsimalluni.
Qaqortumi politiit angallatitaartik pingasunngornermi atsersimavaat. Angallat 49 foditut takissuteqarpoq taaguutigilerlugulu Nukik.
- Qaqortup Politeeqarfianut ulloq immikkuullarissuuvoq, angallatimmi politiit illoqarfinnu nunaqarfinnullu ornigutipallannissaannut ikiuutaasussaammt. Assersuutigalugu ajutoortoqarpat pinerluuteqartoqarpalluunniit politiit suliarisariaqagaannik sukkanerujussuarmik pisariinnerusumillu ornigutipallassinnaanngorpugut, politikommissæri Søren Arnth Hansen oqaaseqarnermini oqarpoq.
Overkontorassistenti atsiisuusoq
Overkontorassistenti Agnethe Mathiesen Nukimmut atsiisimavoq. Taassumalu angallatip ukiorpassuarni isumannaatsumik angalasarnissaa kissaatigaa.
Nuki politiit kujataani sulinerannut najuuttariaqarnerannullu ikiuutaasussaavoq.
Kimik Aasianniittoq assigalugu, Nukik angallat politiit 60-ikkunniit 90-ikkunnut atorsimasaannut atsiunneqarsimavoq, Nukik"nuntaanngitsoq" aamma Qaqortumi angerlarsimaffeqartinneqarsimavoq.