Skip to main content

Nukappissat pingasut Tunumi annaanneqartut

Issittumi Sakkutooqarfik tallimanngornermi ullaap tungaani Kalaallit Nunaanni Politiinit attavigineqarput, inuit pingasut umiatsiaaqqami Tasiilap aamma Kulusuup akornanni navianartorsiortut annaannissaannut ikioqqusunit.

Nukappissat pingasut Tasiilameersut, tamarmik 18-it ataallugit ukiullit Issittumi Sakkutooqarfiup qulimiguulianit Seahawkimit tallimanngornermi annaanneqarput. Issittumi Sakkutooqarfik Facebookimi quppernermini taama ilisimatitsivoq.

- Umiatsiaaraq sikkussaasimavoq, inuillu pingasuusunit marluk imaaniissimallutik, Issittumi Sakkutooqarfik taama allappoq.

Nukappissat oqarasuaammik angallattagaqarput, taamaalillutillu sumiinnertik eqqorluarlugu nalunaarutigisinnaasimallugu.

Issittumi Sakkutooqarfiup umiarsuaa alapernaarsuut Hvidbjørnen, Kulusummit kujammut 480 kilometerit missaanni ungasissusilimmiittoq, qulimiguulik Seahawk navianartorsiortunut aallartippaa, taanna akunnerit marluk qaangiuttut tikiuppoq.

- Qulimiguullit nukappissat taakku pingasut qeqertaaqqap qaavaniittut nassaarai. Nukappissat tamarmik qulimiguulimmut kivitsissut atorlugu ikineqarput, qiusut masattullu qipilerneqarlutillu umiarsuup nakorsaanit passunneqarput. Tassanngaanniillu Tasiilamut angerlaanneqarput, illoqarfiullu inuppassui tikilluaqqusiartorput, Issittumi Sakkutooqarfik ilisimatitsivoq.


Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER