Nukappiaraq 15-it inorlugit ukiulik savimmik qunusaarisimasoq
Politiit nukappiaraq 15-it inorlugit ukiulik arfininngormat ualikkut Nuup qeqqani savimmik qunusaarisoq pillugu nalunaarfigineqaramik ornigussimapput.
Nukappiaraq savimmik qunusaarisoq Nuup qeqqani toqqissisimajunnaartitsisimasoq isumaginninnikkut oqartussanut isumagisassanngortinneqarsimavoq. Iliuusaa toqqissisimajunnaartitsisivoq, ajoqusertoqarsimanngilarli
- Soorunami taamatut iliortoqarsimanera ernummatigaarput, qujanartumilli ajornerusumik kinguneqartoqanngilaq. Aatsaat taamatut iliortoq matumani pineqarpoq, tamannali assersuutitut oqaatiginerusussimavara, inuusuttunut tunngatillugit ukkataqarnitsinnut, Nuummi politiit pigaartuisa pisortaat Søren Bendtsen oqaluttuarpoq.
Pinaveersaartitsilluni iliuuseqarneq
Taassuma ilisimatitsissutigaa, inuusuttut Nuup aqquserngani angalaartartut immikkut politiinit eqqumaffigineqartut.
Pinaveersaartitsilluni iliuuseqarnermut pissutaavoq, sapaatip akunnialuit matuma siornatigut inuusuttut arlallit nukappiaqqamik 14-inik ukiulimmik kinaatigut timaatigullu isimmittaasimanerat.
- Politiit inuusuttunik naapitsigaangamik toqqaannartumik oqaloqatiginnittarput. Tassa sulerinersut paasiniarlugit aamma inuusuttut qanoq isumaqarnersut paasiniarlugit, Søren Bendtsen ilisimatitsivoq.
NutaarsiassatDMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...