Nukappiaqqat inuusuttut nammineq suliffeqarfeeqqamik pilersitsissapput
Mind Your Own Business Nuummi aallartilluarpoq, tassani suliniummi nukappiaqqat siullerpaat suliffeqarfeeqqamik pilersitsinissartik sulissutigaat. Tamanna inuussutissarsiortut aamma kajumissutsiminnik suliaqartut qanimut suleqatigalugit ingerlanneqarpoq.
Nukappiaqqat inuusuttut Nuummeersut suliffeqarfeerassaminnut isumassarsiuleruttorput. Peqatigiiffik Mind Your Own Business (MYOB) Nuummi suliniummik aallartitsisuuvoq, taakku januaarimi allaffimmik ammaapput.
- Taamatut iliuuseqartarnerup siunertaraa, nukappiaqqat ilikkariartorfigisinnaasaannik neqeroorfiginissaat, taamaalillutik aallarnisaanermik suliaqarnermikkut suliamullu piginnaasaminnik nukittorsaanermikkut, ilinniagaqarnissamut suliffissaqarnissamullu periarfissaasunik pitsaanerusumik paasinnilersinnaaqqullugit, peqatigiiffik nittartakkamini taama ilisimatitsivoq.
Inuussutissarsiortut kajumissutsimillu suliaqartut suleqatigalugit
Inuussutissarsiortut pikkorilluinnartut inuinnaallu kajumissutsiminnik suleqataasut suleqatigilluinnarlugit, nukappiaqqat inuusuttuaqqat nutaaliortumik eqqarsaatersussapput anguniakkamillu ilumut piviusunngorlutik sananeqarnerat takussallugu. Pimoorusillutik suleqataasut akimorlugit suleqatigiinneq ingerlataqarnerup nakooqutigingaa, Kalaallit Nunaanni Mind Your Own Businessimi suliniuteqarnermi aqutsisuusoq, Ivalu Nørreslet Rex, isumaqarpoq.
- Kalaallit Nunaani inuusuttuni, piginnaasatigut arlaanut ilimanaateqaratarsinnaasut amerlaqaat. Allaanerusumik qinigassaqarluni ilikkariartorsinnaaneq aqqutigalugu taakkuninnga ilimanaataasinnaasunik atuilluni iliuuseqarnissamik MYOB aallarnisaaqataavoq, tassani aallarnisaaneq kajumissutsimillu suleqataaneq tasiortutullusooq ingerlaqatigiisillugit. Neriuppunga, nukappiaqqat nammineerlutik qanoq piginnaaneqarfeqqartiginertik ilimanaateqarfeqartiginertillu misigalugulu upperilissagaat – peqarpummi! Uangalu sapinngisannguannik iliuuseqarniarumaarpunga, aamma tamanna taakkunani imminermi upperileqqullugu, taanna oqarpoq.
Suleqatigineqartut
Mind Your Own Businessip ilaatigut Visiobox Consulting, Kommuneqarfik Sermersooq, Grønlandsbanken aamma Ini A/S suleqatigai.
- Periuseq MYOB-mit atorneqartoq, pimoorusisumik nukappiaqqat ataasiakkaat ilimanaateqarfiinik suliarinnittoq ilutigalugu suliffeqarfinnik peqataalersitsisoq – tamanna upperilluinnarpara, Michael Binzer, Visiobox Consultingimeersoq oqarpoq.
NutaarsiassatDMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...