savimmik toqutsineq
Nukappiaqqap 17-nik ukiullip savimmik kapineqarsimanini toqqutigaa
Nukappiariaq 17-nik ukiulik arfininngormat Ilulissani najugaqarfimmi savimmik kapineqartoq toqukkut qimaguppoq.
Nukappiaraq inuunerminik navianartorsiornera pissutigalugu Dronning Ingriup Napparsimavissuanut aallarutipallanneqarpoq, taannalu annaanneqarsinnaasimanngilaq. Politiit tusagassiuutinut nalunaarummi paasissutissiipput.
Suliaq toqutsisimanertut paasiniaavigineqarpoq.
- Kalaallit Nunaani Politiit, toqungasup timaa misissortinniarlugu toqungasut timaanik misissuisartumik Danmarkiminngaanneersumik, tikisitsipput. Suliarlu toqutsisimanertut politiit misissuiffigaat, nunap immikkoortoqarfiani aqutsisoq Johan Davidsen paasissutissiivoq.
Politiit arfininngormat nalunaaquttap 11.00 missaani nalunaarfigineqarsimapput, najukkamilu angut 21-nik ukiulik politiinit tigusarineqarluni.
Inatsit tunngaviusoq naaperortorlugu killisiuineq
Sapaammi ulloq 20. august inatsit tunngaviusoq naapertorlugu killisiuisoqarpoq, tassani tigusarineqarsimasoq Qaasuitsup eqqartuussiviani sassartinneqarluni, eqqartuussisulli angut ulluni 25-ni tigummigallagassanngortippaa.
Toqutsinermut suna pissutaasimanersoq suli misissuiffigineqarpoq.
Aamma atuaruk: 17-inik ukiulik savimmik kapitissimalluni navianartorsiorpoq