Kujalleq
Nukappiaqqamik ujaasisoqarpoq
Umiatsiamik aallarussamit nakkareernermi kingorna, 13-nik ukiulik Jonas Rasmussen periarfeerunneqarpoq
Kujataani Politiit, Qaqortumi ujarpaat nukappiaraq 13-nik ukiulik Jonas Rasmussen, sapaatiummat unnukkut kingullermik takuneqarsimasoq, Qaqortumi politiit nalunaaruteqarput.
Ippassaq marlunngornermi unnukkut nalunaaqutaq 22.00 politiit Qaqortumi kalerrinneqarput Jonas Rasmussen kingullermik takuneqarsimammat sapaammi unnukkut, tamannalu aallaavigalugu ujarneqaqqullugu.
Aallarussineq
Politiit paasiniaanerminni paasivaat sapaammi unnukkut umiatsiaaqamik aallarusseqataasimasoq nukappiaraq alla 11-nik ukiulik ilagalugu.
Apersuinermi paasineqarpoq sapaammi unnuami umiatsiaaraq aallarussartik angalaarutigisimagaat angalaarnerminilu 13-ukiulik umiatsiaaqqamiit nakkarsimasoq periarfeerunneqarsimasorlu.
Massakkut politiit Qaqortup umiarsualiviani, kiisalu sineriaani qaninnerusumi politiit angallataat, Sisak III, gummibådillu atorlugit usaasipput, kiisalu qatserisartut aqqartartuat ikiorsiunneqarluni.
Ilaqutaasut isumaginnittoqarfik, kiisalu ilaqutariinnik sullissivik suleqatigalugit attaveqarfigineqarput ikiorserneqarlutillu, politiit ilisimatitsipput.