Nukappiaqqamik persuttaaneq filmiliorneqartoq

Nukappiaqqap 14-nik ukiullip persuttarneqarnera pillugu ataataa maanna saqqummerpoq.

Nukappiaraq aneereertilluni ataasinngormat unnukkut aqqaninngulersoq nukappiaqqanit arlariinnit saassunneqarpoq.

- Ernimma ilisarisimanngisaani malersorneqarpoq angerlamut pisutsilluni. Nukappiararpassuit ernerma kisimiinnerani tungaanut arpaliuutilersimapput, ernermalu ilisimasimanngilaa tungiminut arpattut, ataataasoq Sivníssok' Rask Sermitsiaq.AG-mut oqaluttuarpoq.

Taassuma ernera nukappiaqqanit uppisinneqarpoq, persuttarneqalerlunilu. Kiinaatigut timaatigullu tukertarneqarpoq.

Pisoq filmiliarineqartoq

- Ernerma eqqaamanngilaa qanoq angerlarnerluni. Siutimi saamiata tungaatigut tusaasai annikillipput, qitimigullu suli maanna ippigusulluni. Pisoq amiilaarnaqaaq ernera taamatut takullugu, oqaluttuarpoq.

Persuttarneqareernerata kingorna ataataasoq filmimik nassitsippoq.

- Filmiliaq sivikitsunnguugaluartoq takoreerlugu kamassimaleraluarpunga. Ernerma persuttarneqarnera takullugu imaannaanngilaq, tassanimi niaquatigut timaatigullu tukertarneqartoq erserpoq, pisorlu allanut oqaatigeqqunagu siorasaarneqarluni. Filmiliaq takullugu annernaqaaq, Sivníssok' Rask oqarpoq.

Angajoqqaanut kaammattuut

Pisoq qaangerniarlugu tarnip pissusaanik ilisimasalimmik oqaloqateqartalerniarlutik oqarpoq.

- Ernerma qiimmassarneqartuarnissaa anguniartuarpara, inuttut nukittunerulernissaa anguniarlugu. Nipilersorneq aqqutigalugu aamma pisoq qaangersinnaavarput, oqaproq.

Sivníssok' Raskip sooq saqqummernini ima nassuiarpaa:

- Angajoqqaat persuttaasartunik meeraqartut ikiuinissaat kaammattorusuppakka. Namminneq ikiuisinnaanngikkunik ikiortissarsiortariaqarput. Neriuppunga politiit pisoq pillugu paasisaqarluassasut.

Nutaarsiassat

Tasiilami anorersuarnissaanik aarlerisaarut

DMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...

Snow Fest-imi iluatsilluartumi nutaaliorsinnaaneq nuannaarutigineqarpoq

Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...