isiginnaartitsineq
Nukâka Teater Solarisimi taamaatippoq
Nukâka Coster-Waldau
Nukâka Coster-Waldau februaarimi isiginnaagassiaq 'Nalusuunerup Taarnerani - Under Uvidenhedens Mørke' Nunatsinni takuteqattaarlugu Teater Solaris peqatigalugu angalagamik iluatsitsilluarput.
Tamannali taamaatippoq. Eqqumiitsuliortoq isiginnaartitsisarfimmit, Sjællandimi Hvalsømiittumit soraarpoq.
- Teater Solarisimi taamaatissimanersunga imaluunniit sooq tamanna pinersoq arlallit aperaannga, maannalu uani akiniarlunga aalajangerpunga tupigusuttoqarlunilu oqallisiginnittoqarnissaa pinngitsoortinniarlugit. Tamanna nammineq pissuteqarlunga aalajangigaraara, taanna Facebookimi allappoq.
Atuaruk: Nukâka isiginnaartitseqaannginnermini: "Nuannaarpunga tulluusimaarlugalu"
Eqqissiallannissani pisariaqartikkaa
Nukâka ulapissimavoq, tamannalu ingasappallaalersimalluni.
- Imminut nassaaralunga eqqissinissara pisariaqartippara, ilaquttakka nipilersortarneralu, Kalaallit Nunaat aamma filmi Anori ukkataralugit, taanna allappoq.
Isiginnaartitsinerit pissanganartut
Nalusuunerup Taarnerani Villads Villadsenip taalliaanit ''Qasapip ullui kingullii''-ni aallaaveqarpoq. Danmarkimi isiginnaagassiaq, Hvalsømi, Aalborgimi aamma Københavnimi takutinneqarpoq. Tamatuma saniatigut Milanomi takutinneqarluni, tassanilu isiginnaartitsinermi akissarsititsinissamut innersuussaasimalluni.
Isiginnaagassiami aamma 'Brønden'-imi Nukâka pingaarnertut inuttaavoq, arnaq taartorsuarmut angalasoq.
- Isiginnaartitsisarfimmi isiginnaagassiat aamma aqqusaakkat tulluusimaarutigalugillu qujamasuutigeqaakka, ingammik "Brønden" aamma ''Nalusuunerup Taarnerani'', kingulleq Inuit Theater peqatigalugu isiginnaagassioqatigiinnerulluni.
Nukâkap Facebookimi allataa uani ataani atuaruk: