Ukiuni 20-ni Nuka Kleemann tassani Timersoqatigiit Kattuffianni siulittaasooreerluni maanna tunuarpoq. Kattuffik tusagassiuutinut nalunaarummi taama ilisimatitsivoq.

Namminersorlutik Oqartussat ukiup matuma aallartinnerani Nuka Kleemannip Ilinniartitaanermut, Kultureqarnermut, Timersornermut Ilageeqarnermullu Naalakkersuisoqarfimmi pisortanngorneranik nalunaaruteqarnerata kingorna tunuarpoq. Ullumikkut 1. juni atorfinippoq.

Nuka Kleemannip Timersoqatigiit Kattuffianni siulittaasutut atorfeqarnerani attuumassuteqarpallaarluni ajornartorsiuteqarnera tupinnanngitsumik apeqquserneqarpoq.

Siulittaasoq nutaaq

Nuka Kleemann aallaqqaammut oktobarip siulittaasuuginnarsinnaalluni isumaqatigiissuteqarfigisimallugu oqaraluarpoq, tassani kattuffik ukiumoortumik ataatsimeersuartussaammat. Piffissami naalakkersuisoqarfimmi pisortaallunilu kattuffimmi siulittaasuunissamini kattuffimmut tunngasunik aalajangiinianngilaq.

Kisianni aaqqiissut taanna attanneqarsinnaasimanngilaq, Nuka Kleemann ilisimatitsivoq:

LÆS OGSÅ: Kleemann ukiuni 20-ni siulittaasooreerluni tunuarniarpoq

- Sukumiisumik eqqarsaatigilluareerlugu matumuuna aalajangerpunga 1. juni 2023 aallarnerfigalugu Timersoqatigiit Kattuffianni siulittaasutut tunnuarlunga. Tamatumani pissutaavoq Timersoqatigiit Kattuffiat kiisalu suliffigiligassara Ilinniartitaanermut, Kultureqarnermut, Timersornermut Ilageeqarnermullu Naalakkersuisoqarfik illersorniarlugit.

1. juni 2023 aallarnerlugu Bolethe Stenskov Timersoqatigiit Kattuffianni siulittaasunngussasoq, Nuka Kleemannip nangilluni ilisimatitsissutigaa.